Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

9 ) Sherqiy Türkistandiki Mekteplerde Oquwatqan Oqughuchilarning 52 pirsenti Xitay

Gerche Xitay hökümitining resmiy statiskilirida Xitaylar Sherqiy Türkistanning omomiy noposining 39.58 pirsentini teshkil qilsimu, emma nöwette Sherqiy Türkistandiki her derijilik mekteplerde oquwatqan oquwatqan oqughuchilarning 52 pirsentini Xitaylar teshkil qilmaqta.

< Tianshan tori > da elan qilinghan, < Xinjiang Uyghur aptonom rayonining omomiy ehwali > namliq maqalida körsütülishiche, hazir Sherqiy Türkistanda mewjut her derijilik mekteplerning omimiy sani 10 ming 105 bolup, oqughuchilarning sani 6 milyon 160 ming neper, bunung ichide azsanliq millet oqughuchilirining sani 2 milyon 933 ming 500 neper bolup, omomiy oqughuchilarning 48 pirsentini teshkil qilidu, qalghanliri bolsa pütünley Xitay.
mezkur maqalida körsütülishiche, bu oqughuchilarning ichide 2 milyon 280 ming nepiri namratlarning perzetliri.

Sherqiy Türkistanda mektep yéshidiki balilarning bashlanghuch mektepke kirish nisbiti 98.7 pirsent bolsimu, emma ularning toluqsiz otturigha kirish nisbiti 87.8 pirsent, toluq otturigha kelgende bu nisbet teximu töwenleydu, toluq otturini tamamlighanlarning ali mekteplerge kirish nisbiti peqetla 2 – 3 pirsent etrapida.

Nöwette Sherqiy Türkistanda mewjut 31 ali mektepte oquwatqan oqughuchilarning sani 181 ming 800 neper.

Xitay hökümiti Sherqiy Türkistanda 9 yilliq mejburi ma’aripni yolgha qoyup kelgen bolsimu, emma yerlikler ichide oqushsiz qalghan ösmür balilar nahayiti köp.    

©UÇQUN-KIVILCIM - 16.03.2007 18:49  Hazirliğuçi: A. Qaraqaş