Heptilik Siyasiy Ilmiy Gezit - Şerqiy Türkistan Informasyon Merkizi Nesir Qildi

10 ) Xitay hökümiti Sheriqiy Türkistanning Yézilirida Uyghur Yashlirini Xitayche Ögünüshke Seperwer Qilishqa Hazirlanmaqta

< Tianshan tori > ning 3 – ayning 16 – küni xewer qilishiche, yeqinda < aptonom rayonluq ittipaq komutéti >, Sherqiy Türkistanning yéziliridiki Uyghur yashlirini Xitayche ögünüshke seperwer qilish meqsidide, < 10 ming kishilik qosh tilliq ögünüsh terbiyesi pa’aliyiti > digen sho’arni kötürüp chiqip, Jenobi rayonlardiki yézilarda < Qosh tilliq oqutush sinaq sinipliri > ni tesis qilip, Uyghur yashlirini bu Xitayche kurslargha mejburi qatnashturushqa bashlighan.

Xitay hökümitining meqsidi, buyil ichide Sherqiy Türkistan boyiche 10 neper yash Uyghur dehqanni bu kurslardin ötküzüshni emelge ashurush bolup, < aptonom rayonluq ittipaq komutéti > 3 – ayning 11 – küni deslepki qedemde Bay nahiyesining Toqsun yézisida we Qeshqer kona sheher nahiyesining tazqum yézisida < yeza yashlirining qosh tilliq ögünüsh sinaq sinipi > ni tesis qilip, yeza yashlirigha qarita resmiy Xitayche ögünüsh pa’aliyitini bashlighan. Buxil < qosh tilliq ögünüsh sinaq sinipliri > peydin – pey Sherqiy Türkistanning pütün yeza – qishlaqlirida omomlashturulidiken.

Yeqinqi yillardin buyan Xitay hakimiyitining Sherqiy Türkistangha qaratqan Xitaylashturush siyasiti kishini chöchütidighan derijide kücheymekte. Xitay hakimiyiti, milliy ma’arip sahesini Xitaylashturush qedimige mas halda, bashqa sahelerdiki Xitaylashturush herikitinimu tezletmekte..  .

©UÇQUN-KIVILCIM - 16.03.2007 18:49  Hazirliğuçi: A. Qaraqaş