ana sahipe
1
2
3
4
5
6
7
8
9
10
2

Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

2 ) Sherqiy Türkistanda Künlük Néfit Isglepchiqirish Miqdari 70 Ming Tonnidin Ashti

< Xinhua axbarat tori > ning 3 – ayning 16 – künidiki xewiride körsütülishiche, nöwette Sherqiy Türkistanda künlük néfit ishlepchiqirish miqdari 70 ming tonnidin éship, Xitay boyiche Hei Long Jiang we Shan Dong ölkiliridin kéyin künlük néfit ishlepchiqirish miqdarini 70 ming tonnigha yetküzgen 3 – chong rayongha aylanghan.

< Xinjiang néfit bashqurush idarisi > ning partikom sekritari Tang Jianning bildürüshiche, nöwette Jung’ghar oymanliqigha jaylashqan Qaramay néfitlikining künlük ishlepchiqirish miqdari 32 ming tonnidin köpirekke, Jenoptiki Tarim oymanliqining künlük néfit ishlepchiqirish miqdari 16 ming 800 tonnigha, Sherqiy Türkistanning sherqidiki Turpan – Qomul néfitlikining künlük ishlepchiqirish miqdari 570 tonnigha, < Xitay néfit idarisi gherbi shimal shöbe shirkitining Sherqiy Türkistandin künige ishlepchiqarghan néfitning miqdari 13 ming tonnidin köpirekke yetken, bulargha yene bashqa jaylarda parche – prat ishlepchiqirilghan néfitlerni qoshqanda, Sherqiy Türkistanning künlük néfit ishlepchiqirish miqdari 70 ming tonnidin éship kétidiken.

Tang Jianning bildürüshiche, nöwette bir künde ishlepchiqirilghan néfitning miqdari, 1953 – yili pütün bir yilda ishlepchiqirilghan néfitning omomiy miqdaridin éship kétidiken.

Nöwete Sherqiy Türkistandiki 3 chong oymanliqta bayqalghan néfit zapas miqdari 20 milyart 900 ming tonna, Tebiygaz zapas miqdari 10 tiriliyon kup / métir bolup, pütün Xitaydiki néfit we tebiygaz zapas miqdarining ayrim – ayrim halda 25.5 we 27.9 pirsentini teshkil qilidiken we Xitay boyiche yoshurun zapas küchi eng chong rayon hisaplinidiken.



2006 – yili Sherqiy Türkistanda ishlepchiqirilghan Nefiz miqdari 25 milyon tonnigha, tebiygaz miqdari 16 milyart 100 milyon kup / métirgha yetken. Bunung ichide Tebiygaz ishlepchiqirish miqdari Xitayning Si Chuan ölkisiningkidinmu éship, Sherqiy Türkistan pütün Xitay boyiche eng chong tebiygaz ishlepchiqirish we sirtqa toshush rayonigha aylanghan.

©UÇQUN-KIVILCIM - 16.03.2007 18:50  Hazirliğuçi: A. Qaraqaş