Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

3 ) Germaniyediki Öktichi Partiyeler, Xitayning Emgek Bilen Özgertish Tüzümini Eyiplep Qarar Chiqirish Heqqide Germani Parlamentigha Teklip Lahiyesi Sundi

< Germaniye dolqunliri > radiosining 3 – ayning 14 – künidiki xewiride körsütülishiche, Germaniyediki asasliq öktichi partiyelerdin < erkin demokrat partiyesi > bilen < yéshiller partiyesi > birlikte, Xitayning Türme we emgek bilen özgertish tüzümini eyiplep mexsus qarar chiqirish heqqide Germaniye parlamentigha teklip lahiyesi sunghan.

Yuqarqi xewerde körsütülishiche, bu teklip nahiyesi buyil 5 – ayda Germaniye fediral parlamenti teripidin maqullinidiken. Bu teklip lahiyesining mezmoni we telebbuzi, yeqinda Amerika parlamentigha sunulghan teklip lahiyesige ox’shap kétidiken.

Teklip lahiyeside, emgek bilen özgertish tüzümining bolsa basturush siyasitining bir wastisi ikenliki, ox’shimighan siyasi pikirdikiler, azsanliq milletler we Diniy zatlarning bu emgek bilen özgertish meydanlirida azap – oqubet tartiwatqanliqi, gerche Xitay hökümitining sanliq melumatlirida, nöwette emgek bilen özgertish meydanlirigha qamalghanlarning sani 200 ming dep körsütülgen bolsimu, emiliyette bu sanning 6 milyongha yétidighanliqi bayan qilinghan.

Undin bashqa yene Xitayda sotlanghan mehbuslarning 70 pirsentining adwukati yoqluqi tekitlengen.

©UÇQUN-KIVILCIM - 16.03.2007 18:46  Hazirliğuçi: A. Qaraqaş