Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

4 ) Xitay Xelq Qurultiyigha Qatnishiwatqan < Xinjiang Wekiller Ömigi >, Chet’el Muxpirlirining Asasliq Ziyaret Qilish Nishani

(Sürette: Nurbekrining chet’el muxpirliridin qéchiwatqan körünishi)

Xitay metbu’atlirida körsütülishiche, Nöwette Bei Jing’da < Memliketlik xelq wekiller Qurultiyi > gha qatnishiwatqan < Xinjiang wekiller ömigi >, Xitayning bu qétimqi yighinigha kelgen 800 din artuq chet’el muxpirining asasliq ziyaret qilish nishanigha aylanghan.
Gerche < Xinjiang wekiller ömiki >, chet’el muxpirlirining küchlük telibige asasen 3 – ayning 9 – küni Bei Jing’da chet’el muxpirlirini kütiwélish yighini chaqirghan bolsimu, emma ular muxpirlarning köpligen so’allirini jawapsiz qaldurghan yaki < kalla diese, paqalchek > dep jawap bergen. Bu ömek, muxpirlarning buyil 1 – ayning 5 – küni yüzbergen Kosrap weqesige dayir so’allirigha jawap bergendimu, peqetla Xitay metbu’atlirida ilgiri bu heqte tekitlengen uchurlarni qayta tekitlep, yéngi melumat bérishtin özini qachurghan. Ismayil Tiliwaldi, Nurbekri qatarliq qorchaq emeldarlar muxpirlarning Uyghurlar heqqidiki so’allirigha jawap bergende, Kompartiyening siyasitini maxpat kökke kötergen we Kompartiyening sayiside Uyghurlarning nahayiti mexitlik yashawatqanliqini, < milliy bölgünchiler > ning sanining yoq diyerlik derijide azlap ketkenlikini, pütün Uyghurlarning Xitay merkizi hökümitini qollap – quwetleydighanliqlirini bildürüshken.

Chet’el muxpirlirining Kosrap weqesi heqqidiki so’allirigha jawap bérishtin özini qachurghan atalmish < Uyghur wekil > ler, Qeshqer wilayetlik partikomning sekritari Shi Da Gangni bu heqte melumat bérishke teklip qilghan.

©UÇQUN-KIVILCIM - 16.03.2007 18:47  Hazirliğuçi: A. Qaraqaş