|
Muhpirimizning
Hotendin yolliğan hewiri:
Yéqinda hewer qilğinimizdek, 5-ayning 17-küni Guma
nahyisening Qoştağ yézisida qanliq weqe yüz bérip, diniy
sewep bilen hizmitidin heydelgen Nurmemet isimlik yaş,
şu yerdiki başlanğuç mektepke basturup kirip,
hökümetning diniy çekleş hizmitige ziyade aktipliq
körsitiwatqan Ömer isimlik oqutquçini çépip öltürgen,
yene ikki neper oqutquçini éğir yarlandurğan idi.
Weqe yüz bergendin kéyin Hotendiki hökümet dairliri bu
işqa alahide siyasi tus bérip, weqede ziyanğa
uçriğanlarni muqumluqni qoğdaş hizmitidiki qehriman
şehs we nemuniçilar dep teşwiq qilişqa başliğan hemde
Hoten tewesidiki barliq hökümet işçi-hizmetçiliri we
oqutquçilardin 50 yuendin mejburi i'ane yiğişqa kirişken.
Bu pulni Qoştağdiki weqede ölgen kişining
ailisidikilerge we yardar bolğanlarğa béridiken.
Qarimaqqa bu yahşi iştek körünsimu, köpçilik ademler bu
qétimqi i'ane yiğiş işiğa qattiq narazi iken, çünki, bu
weqede ölgen we yarlanğan kişler musulmanlarğa qarşi yol
tutup, hökümetke hizmet körsitimen dep şu aqiwetke
qalğanliği üçün, kişler ularğa hésdaşliq qilişning
orniğa, hop boldi jajisini yidi dep qaraydiken.
2002.6.10. |
|
