|
Muhpirimiz
Arislanning Qeşqerdin yolliğan hewiri:
6-ayning 10-küni, Hitay saqçi dairliri, Qeşqer şeherdiki
24 Uygur başlanğuç mekteplirige basturup kirip,
başlanğuç 2-yilliq oquğuçilirining derslik kitabini
qopalliq bilen tekşürgen we bir qisim oquğuçilarni soraq
qilğan. Nohtuluq tekşürülgen orunlar asasen Döletbagh
yézisi we Çasa koça başqarmisi bolğan.
Muhpirimizning igellişiçe, yéqinqi künlerdin buyan
Qeşqer şehride, başlanğuç 2-sinip oquğuçilirining
matématika dersining yandaşma meşiq kitabiğa qol bilen
yézilğan, Hitay hökümitige qarşi şuarlar tarqalğan.
Belki bu iş, siyasi jehette nérwa sezgürligi éşip
kétiwatqan Hitay hökümitini ehmeq qiliş ğerizide
qilinğan boluşi mumkin, emma bu weqe Qeşqerdiki saqçi we
hökümet dairlirige çong siyasi weqe bolup tuyulğan.
Saqçilar mekteplerning normal oqutuş tertiwini zorluq
bilen buzup, 2-sinip oquğuçilirining matematka dersining
yandaşma meşiq kitabçisini tekşürgen. Qaysi oquğuçining
kitabi yoq bolsa, çoqum şuar yazğan, şunga körsitiştin
qorqti dep guman qilip, şu oquğuçini we uning
ata-anisini qattiq tekşürgen.
Bu iş şu künlerde ewj alğan siyasi ügünüş we yiğinlardin
bazar bolğan mektep oqutquçi-oquğuçilirini téhimu narazi
qilipla qalmay, Uygur başlanğuç mekteplerning normal
oqutuş tertiwige, hemde, oqutquçi-oquğuçilar we
ata-anilarning rohi keypiyatiğa selbi tesir körsetken.
Bu qétimqi tekşürüşke qatnaşqan bir Uygur saqçining
bildürişiçe, bu hil tekşürüş yene bir mezgil
dawamlişidiken.
Tönögün başlanğan bu tekşürüş herkiti bügün başqa
mekteplerge kingeydi .
Hitay dairliri bu weqe heqqıde hazirğa qeder bir yipuçi
tapalmiğan, lékin bir tutam qara tizimlik turğuzğan .
Saqçi orunlirining meqsidi kitabi yoqalğan balilarning
ata-anisi we uruq-tuqqanliridin tuqqanliridin gumanlansa
kirek.
2002.6.10. |
