ana sahipe
1
2
3
4
5
6
7
8
9
10
3

Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

3 ) Hitay Hökümitining Kitab Çekleş We Köydürüş Herkiti Hoten Rayonidimu Başlandi
Muhpirimiz Yurungqaşning Hotendin yolliğan hewiri:

     Köpçilikke melum bolğinidek, Hitay hökümiti 5-ayning 14-, we 24-künliri Qeşqer şehride insaniyet medeniyitige, şu jümlidin Uygur milliti we uning medeniyitige qarşi mudihiş bir jinayetni sadir qilip Uygur tarihi, medeniyeti we edebiyatiğa ait 40 ming parçidin artuq kitabni köydürüp taşliğan idi.
     Bu weqe informatsiyun merkizimiz teripidin dunyağa élan qilinğandin kéyin, çetellerdiki Uygur jametçiligi we weqedin hewerdar bolğan çetelleik dostlarni qattiq ğezeplendurdi. Herqaysi Uygur siyasi teşkilatliri jiddi herketke ötüp bu weqeni dunyağa téhimu keng anglitiş we bu hil weqening Şerqiy Turkistanning başqa jayliridimu sadir boluşining aldini éliş üçün Hitay hökümitige türlük yollar bilen öz narazliğini bildürüşke başliğan idi.
     Epsuski, yéngi yil kirgendin buyan “Idologiye sahesidiki milliy bölgünçilikke qarşi küreşni qanat yayduruş boyiçe qayta terbiye éliş herkiti” degen nam asitiki siyasi herketni başlap, Uygurlarning tili, dini, tarihi, medeniyiti, edebiyat we senitige qarişi keng-kölemlik yoqutuş herkiti başliğan Hitay hökümiti,Uygurlarning ğezep-nepriti we medeniyet alimining mislisiz heyretlinişlirige qarimastin, Uygur medeniyitini yoq qilişqa qaratqan bu jinayi qilmişini Şerqiy Turkistanning başqa jayliridimu yurguzuşke başliğan.
     Muhpirimizning bildürüşiçe, 6-ayning 4-küni Hotenning Çira nahyiside yerlik hökümet dairliri neq meydan yiğini çaqirip, Turğun Almasning “Honlarning qisqiçe tarihi” “Qedimqi Uygur Edebiyati” we “Uygurlar” namliq üç kitami, “Çala tekken oq” namliq ün'alğu lentisi, merhum şair Rözi Sayitning “Déhqan bolmaq tes” namliq şéiri élinğan ün'alğu léntisi we muqawisiğa meşhur Uygur Ayal karhaniçi Rabiye Qadirning süriti bésilğan jornallar üstidin aşkare çekleş buyriği çiqarğan we bularni yiğwélip bir terep qilidiğanliğini élan qilğan.
2002.6.10

İUÇQUN-KIVILCIM - 12/06/2002 07:30  Hazirliğuçi: A. Qaraqaş