|
Memnap
Qasim
Öküzning puti bolğiçe
Mozayning béşi bolğan yahşi.
<Mehmut Qeşqiri>
Weten mening tarih guwah, wetinimdin çiqip ket!
Helqim turur qilip dawa, wetinimdin çiqip ket!
Dawayim heq, alem guwa, wetinimdin çiqip ket!
Atom étip buzdung hawa, wetinimdin çiqip ket!
Séning bilen ming qaynatsa, quşulmaydu qénimiz.
Ohşimaydu örpi- adet, étiqad we dinimiz.
Jan çiqsimu ana yurttin ayrilmaydu ténimiz.
Çünki unda tükülgenğu, bizning kindik qénimiz.
Séning bilen yaşimaymen, wetinimdin çiqip ket!
Tarihimning betliride tula qanning izliri,
Küreş bilen utuptiken, Uygur oğul-qizliri.
Ar-nomusi küçlük idi şunga yoruq yüzliri,
Nomusumni bulğimiğin, wetinimdin çiqip ket!
Moyunçur dep bowam ötti, taş üstige het yézip,
Kültiginning izin bésip, Uygur digen at sizip.
Eqli köldek bolsimu ger, ötüptiken bek ézip,
Uygur digen namim öçmes, wetinimdin çiqip ket!
Iparhanning zor qiliçi ésiqliqtur témimda,
Batur anam jasariti, bardur méning qénimda.
Endim alar künmu keler, bolsa jénim ténimda.
Nuzugumni, Mayimhanni unutmiduq çiqip ket!
Sadir pelwan çiqip jeng, yangrap ketti qoşiği,
Ğeni batur çiqti yawning, buzuldi zor oçiqi,
Hitay bilen Uygurning zadi pişmas puçiği,
Qulluqni biz halimaymiz, wetinimdin çiqip ket!
Tarihlarda Uygurlarning bolğan idi döliti,
Bu alemde dang qaldurup, ketken idi şöhriti.
Hop ajayip yaraşqanti dölitige söliti.
Sölitini buziwetting wetininmdin çiqip ket!
Güzel Qeşqer şehrim idi, Haqanlarning makani,
Unda ötken Efrasiyap Qarahanlar Haqani,
Yer-jahanda dang çiqarğan Uygur çekti japani,
Haqanimni sen öltürdung makanimdin çiqip ket!
Hoten digen yurtum meşhur, Ikki derya qéşida
Bek şipaliq hisliti bar, deryalarning téşida.
Helqi uning batur irur daim sepning béşida,
Men Hotenning oğlidurmen sen Hotendin çiqip ket!
Amannisa muqamçining Yurti irur Yerkinim,
Unda ötken Rişithandek şairlirim-erkinim.
Bayaşatta ötken idi huşal-horam her künüm,
Erkinimdin ayriwetting, Yerkinimdin çiqip ket!
Ahsu digen şehrimde yatar qaynam örkişi,
Şehid boldi Mutellipning yene nurğun sebdişi.
Bu diyarning tarihini az bilidu köp kişi,
Suyum bekmu laylap ketti, Aqsuyumdin çiqip ket!
Bay Kuçarning bağçisi, bijaq Kuçarning nançisi,
Onming Uygur açtin öldi, yene öldi qançisi.
Öltürüldi Nimşehid azatliqning tangçisi,
Elge apet yağdurdung köp, wetinimdin çiqip ket!
Kuçar digen yurtum dangliq, şahlar ötken Şahyarim.
Guwaçisi ming öyümdur, bek qedirlik diyarim.
Diyarimda qalğan idi méning söygen gülyarim,
Men yarimni bek seğindim, wetinimdin çiqip ket!
Bu şirin makanimda bir tohtimay ötmeymen,
Perhat qazğan < Biston>ni bir yoqlimay ötmeymen.
Bu qedimki <Rawaqt>ta uhlimay bir qonmastin
ötmeymen,
Musellisim turğanda <Ju>liringni yutmaymen,
Söygünümdin juda qilding, wetinimdin çiqip ket!
< Dewamı bar kilerki sanda >
|
|
