"Amerika Uygurliri Birliki“ning 2

Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

7 ) < Awustiraliye Uygur jemiyiti > ning Pehri Reyisi Ehmet Igemberdining < Uchqun > gha Yollighan Tebriknamisi

Sherqiy Türkistan uchur merkizi we < Uchqun > géziti mes’uli Abdujelil Qaraqash ependige:
Hörmetlik ependim, < Uchqun > géziti 100 – sanining elan qilinishi bilen sizni, < Uchqun > géziti hadimlirini we Sherqiy Türkistan uchur merkizini öz namim we Awustiraliyede yashawatqan Sherqiy Türkistan jamaetchiliki namidin qizghin tebriklep, silerge zor muwapiqiyet tileymiz.
4 yerim yildin buyan intayin eghir her türlük maddi we meniwiy qiyinchiliqlargha qarimay, tohtimay neshir qiliniwatqan < Uchqun > géziti özining 1 – sanida elan qilinghan meqset – nishanliridin taymay, bügünki dunyada amerika bilen Dunya hojayinliqini talishiwatqan Dunyadiki eng muteessip, kommunizimning ahirqi jahil qorghini – Beyjing teror hökümitining wetinimizde yürgüziwatqan Atsimilatsiye we irqiy qirghinchiliqqa qarshi wetinimizning musteqilliqi, millitimizning erkinliki üchün janpidaliq bilen küriship keldi.
< Uchqun > gézitining bu ajayip töhpisini memliket ichi we sirtidiki xelqimiz alahide bahalapla qalmay, Xitay hökümitining 2003 – yili 15 – dikabirda elan qilghan < teroristlar tizimliki > de bashqilar qatarida Sherqiy Türkistan uchur merkizi we uning mesuli bolghan sizning ismingizning atilishi bu nuhtini yüzde – yüz ispatlap turuptu. Sherqiy Türkistan uchur merkizi < Uchqun > gézitige alaqidar yoldashlargha, shehsen sizge – Abdul Jélil ependim hem silerning bu muqeddes, lekin japaliq ishinglarni qollawatqan dölet, teshkilatlargha, shehislerge tügimes teshekkürlirimizni bildürüp < Barikalla ! > eytimiz. Silerge, Sherqiy Türkistan uchur merkizi we < Uchqun > gézitlirining harmas – talmas teshkilatchisi siz Abdul Jelil ependim we sizning ishtirakchiliringizgha mustehkem salametlik, heyirlik turmush we ishinglargha zor muwapiqiyetler tileymiz.

Hörmet we söygüliring bilen:

Ehmet Igemberdi

< Awustiraliye Sherqiy Türkistan jemiyiti > ning pehri reisi

2004 – yili 8 – ayning 2 – küni
( Liwerpol – Seydni )