Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

13 ) Zhongguo Hainan Partiye Mektiwining Muawin Bashlighi 6000 Diplom Satqan

Hainan ölkilik partkom partiye mektiwining daimi muawin mektep bashlighi Yebing 6000 dane mektep püttürish diplomini „top tarqatqanlighi“ üchün, yéqinda xizmitidin haydilip chare körildi. „Zhongguo Yashlar“ gézitining xewirige asaslanghanda, Hainan ölkilik partkom partiye mektiwide ölchemleshken aspirant terbiyilesh nuqtisi bolmighachqa, aspirant qobul qilish we aspirantliqni püttürgen diplom tarqitish layaqiti yoqti. 1998-yili Yebing bu mektepning muawin bashlighi bolghandin kéyin „aspirantliq diplom bazirining“ parlaq kelgüsini bayqighan u ixtisadi menpetning qiziqturishi astida „yash kadirlarni yetishtürish“ banasi bilen qaydige xilap halda bir parche testiqnamini qolgha keltürip aspirant qobul qilish salahitige erishishken, shimaldiki melum bir dangliq universitit bilen birliship aspirantlar sinipi orunlashturghan. Arqidinla Yebing qatarliqlar saxta wastilerdin paydilinip yene bir qetim qanunsiz aspirantliq diplomi tarqitish salahiyitige erishiwalghan. Shu yili Hainan ölkilik partkom partiye mektiwi yuquri belgiligen 40 kishilik oqughuchi qobul qilish cheklimisini buzup tashlap 160 aspirant oqughuchi qobul qilip, köplep ixtisadi ünim yaratqan. 2001-yil aspirant oqughuchilarning sani 500 neperge yetken. 2000-yildin bashlap partiye mektiwi Hainan ölkisining herqaysi nahiye, sheherliride paydini teng bölishish asasida tarmaq ponkitlarni qurghan hem oqughuchi qobul qilish kadir terbileshni mexset qilmay pul tepish bilen bolup ketken. Pul tapshursila oqughuchi qobul qilishning shertliri boshighan hetta oqush tarixi qeghizi yoqlarmu bu mektepning aspirant oqughuchisi boliwalghan, shunglashqa nurghun asasi qatlam rehberlirining salahiti tuyuqsiz özgirip „aspirantliq“ derijisige erishiwalghan hem Hainan ölkisi „dölet boyiche medinyet sewiyisi eng yuquri“ jaygha aylanghan. Aspirantliq diplomini top tarqitip nurghun paydigha erishishtin sirt bu mektep yene toluq kurs chonglar maripini yolgha qoyghan, oqughuchilarning sewiyisi bek töwen bolghachqa ders anglash nisbiti 20% bolghan we imtihan waqtida oqutquchilar sual qeghizini oqughuchilargha her bir warighini 10 yuandin ochuq-ashkara setip bérip ularning imtihandin ötishige kapaletlik qilghan peqetla toluq kurs diplomi tarqitish bu bir türdinla ular 30 milyon yuan kirim qilghan.
ETIC terjime-tehrir bölimidin Alimjan The Epoch Times terjime qilghan.
 

©UÇQUN-KIVILCIM -03.01.2005 20:20  Hazirlighuchi A. Karakash