|
Hoten wilayiti, Sherqiy Türkistan boyiche
Uyghurlar eng köp toplushup olturaqlashqan rayonlarning
biri bolup, omomiy noposning 90 pirsentidin köpireki
Uyghurlardin ibaret.
Emma Hoten wilayiti Sherqiy Türkistan boyiche eng
namrat rayon bolup, kishi beshigha toghra kelgen kirim
jehettimu axirqi qatarda turidu we köpligen yezilarda
dehqanlarning kishi beshigha toghra kélidighan yilliq
kirimi 1000 yüengimu ( 100 EURO ) barmaydu.
Sherqiy Türkistan ziminining 15 % ni teshkil qilidighan
Hoten Wilayitige 7 nahiye, bir sheher qaraydu web u
nahiyilerge qarashliq 86 yeza we 1401 kenit bar.
Hotenning etrapini Teklimakan qumluqi qorshap alghini
üchün, su menbeyi qis, terilghu yer kölimi az bolup, her
bir emgek küchige toghra kélidighan terilghu yer 1.62 mo,
yeni 2 moghimu barmaydu, türlük baj – séliq we alwang –
yasaqlarning köpliki, yerlik xelning namratliqtin
qurtulalmay kélishige sewepchi bolghan asasliq
amillarning biri.
Emma shundaq bolushigha qarimay Hoten wilayitidiki
hökümet tarmaqliri yerliklerning kaniyini siqip baj
yighishta her zaman aldinqi qatarda turup keldi.
Mesilen, < Hoten xewer tori > ning 8 – ayning 7 – küni
elan qilghan bir xewiride körsütülishiche, Wilayettiki
baj tarmaqliri texi 8 – ay kirmey turupla, yeni 7 –
ayning 31 – künigiche, puxralardin pütün bir yilda
yighidighan yer beji we tapawet bejining 93.7 pirsentini
yighip bolghan, yighiwélinghan bajning eshish nisbitimu
ötken yildikidin 6.7 pirsent köp bolghan, yighiwélinghan
bajmu ötken yildikige qarighanda eship, bir milyon 540
ming yüen köp yighiwélinghan.
Melum menidin alghanda, Hotenlikler texi qilmighan
kiriminingmu tapawet bejini aldin töleshke mejbur
bolghan. |
|
