Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

2 ) Romaniyening Xitayperes Metbuatliri, < Dunya Saklar Milliy Kéngishi > We < Dunya Hunlar Qurultiyi > gha, < Sherqiy Türkistan Térorchiliri Bilen Éghiz – Burun Yalishiwatidu > dep hujum qilishqa bashlidi

< Dunya Hunlar Qurultiyi > ning munasiwetlik rehberlirining bildürishiche, < ETIC – Uyghur Tetqiqat Merkizi > ning rehbiriy xadimliridin terkip tapqan 3 kishilik bir hey’et buyil 6 – ayning 3 – küni teklipke asasen Romaniyege berip, < Dunya Saklar Milliy Kengishi > teripidin Csiksomlyo rayonida uyushturulghan we yilda bir qetim ötküzülidighan Hunlargha mensup milletlerning Diniy we Milliy bayrimi paaliyitige qatniship qaytip kelgendin keyin, Romaniyediki bir qisim Xitayperes gezit – jornallar we teliwiziye istansiliri, Xitayning Romaniyediki elchixanisining qutrutushi bilen arqa – arqidin mexsus xewer – maqalilar elan qilip, < Dunya Saklar Milliy kengishi > we < Dunya Hunlar Qurultiyi > gha, < Sherqiy Türkistan terorchiliri bilen eghiz – burun yaliship, Romaniye bilen Xitay otturisidiki dostluq munasiwetlirige tesir yetküziwatidu > dep hujum qilishqa bashlighan.

Merkizi Wingiriyening Buda – pest shehridiki < Dunya Hunlar qurultiyi > ning Germaniyediki mesuli Dr.Yanos ependining bildürishiche, Hunlar Qurultiyi bilen, merkizi Romaniyediki < Saklar Milliy Kéngishi > ning munasiwetlik rehberliri bu munasiwet bilen elan qilghan bayanatlirida, < Uyghurlar terorist emes, belki ular bizning tarixiy qan qerindashlirimiz, ular bilen bolghan qerindashliq we dostluq munasiwetlirimizni hechqandaq küch buzuwetelmeydu > dep reddiye qayturghan we yawropa birlikige kirishke hazirliniwatqan Romaniye hökümitini, < Kommunist Xitayning dumbiqigha usol oynawatidu > dep eyipligen.
Uyghurlarning < Dunya Hunlar Qurultiyi > bilen bolghan hemkarliq munasiwetliri ötkey yili qurulghan bolup, ötken yili Uyghur wekilliri Buda – pestqa berip Hunlar qurultiyining merkizi orginini ziyaret qilghan we Buda – pestta 50 nechche ming kishining qatnishishida ötküzülgen paaliyette sehnide söz qilip, Uyghurlarning weziyiti heqqide melumat bergen idi.

Buyil 6 – ayning 3 – küni Romaniyening Csiksomlyo rayonida ötküzülgen paaliyetke,Dunyaning herqaysi elliridin kelgen Hunlargha mensup Majar, Sak, changgo qatarliq milletlerning wekilliri we Romaniyede yashawatqan Majar, Sak, changgolardin bolup 650 mingdin artuq kishi qatnashqan bolup, < EITC – Uyghur Tetqiqat Merkizi > ning 3 neper wekili qollirida Sherqiy Türkistanning ay – yultuzluq kök bayraqlirini kötürüp, Milliyche kiyinip paaliyetke qatnashqan we paaliyet jeryanida axbarat wastilirining küchlük diqqet – étibarini qozghighan idi, bu, Sherqiy Türkistanning musteqilliq bayriqining romaniye tarixida tunji qetim jewlan qilinishi bolup, paaliyettin keyin Xitay hökümiti romaniye hökümitige qattiq naraziliq bildürgen.

Romaniyediki < Dunya saklar Milliy kengishi > mu Xitayning besimigha qarimay < ETIC – Uyghur Tetqiqat Merkizi > bilen qerindashliq we dostluq kelishimi imzalap, özlirining qet’i meydanini ipadiligen idi.
< ETIC – Uyghur Tetqiqat merkizi > bilen ular otturisidiki hemkarliq munasiwetliri üzlüksiz kengiyip barmaqta.
 

©UÇQUN-KIVILCIM - 18.09.2006 14:45  Hazirliğuçi: A. Qaraqaş