Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Ürümchi, Xitay Aqqunlirining Jennet Makanigha Aylandi

< Tian shan tori > ning xewirige qarighanda, 8 – ayning 6 – künidin Ürümchide < tunji nöwetlik Piwe bayrimi > ötküzülüshke bashlighan, bu bayram 3 kün dawam qilidiken.

     < Aptonom rayonluq tenterbiye merkizi > de ötküzülgen we kirish biliti 20 yüendin sétilghan bu bayramning tunji künige 40 ming kishi qatnashqan bolup, Ürümchidin kelgen inkaslargha qarighanda, ununggha qatnashqanlarning hemmisi digüdek Xitay iken.

     Külkilik yeri, piwidin keyin kishilerning oburnigha yügüreydighanliqini esidin chiqirip qoyghan Xitay hökümiti, étirapqa yeterlik oburni tesis qilmighini üchün, nechche ming Xitay oburnining aldigha toplushuwélip nöwet taliship bir – biri bilen jidel qilidighan weziyet otturigha chiqqan.

     Sherqiy Türkistanning merkizi Ürüshchi, Xitay köchmenliri eng köp olturaqlashqan sheherlerning biri bolup, pütün sheher noposining 80 pirsentidin köpireki Xitay, Uyghurlarning nisbit 4 – 5 pirsentkimu barmaydu. Huddi hazir Amerikining bezi sheherliride Hindiyanlarni uchratqili bolmighinidek, Ürümchining xéli köpligen olturaq rayonliridimu Uyghurlarni uchrutush nahayiti tes.

     Xitay aqqunlirining üzlüksiz eqip kirishi bilen, Ürümchi shehrining noposimu yildin – yilgha eship barmaqta we sheherde igiz – igiz binalar arqa – arqidin qed kötürüp chiqmaqta. Bu sheherde Xitaylar teripidin tesis qilinghan ali derijilik köngül echish sorunliri intayin köp bolup, melum menidin eytqanda Ürümchi, sherqiy türkistandiki Xitay aqqunlirining yuquri istimaldin behriman bolup rahet – paraghet köridighan merkezlirining biri, Ürümchidiki Xitay köchmenlirining yashash usoli, Uyghur yashlirining ijtimayi exlaqining buzulushigha biwaste tesir körsütüp kelmekte.

©UÇQUN-KIVILCIM - 15.08.2006 18:48  Hazirliğuçi: A. Qaraqaş