Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

3 ) ETIC‘ ning Arqidin, Tibet Sergerdan Hökümitimu Internet Téléwiziyési Qurdi

     Öz xewirimiz: 8 – ayning 3 – küni, Tibet Sergerdan hökümiti Hindistanning Darisalam rayonidiki merkizide Internet télévizyési tesis qilip, resmiy purogramma bérishke bashlidi.
Bu téléwiziye istansisi mexsusla Tibet mesilisige dayir xewer – uchurlarni tarqitidu.

Germaniyening München shehride pa'aliyet élip bériwatqan Sherqiy Türkistan informatsiyon merkizimu 2004 – yili internet télévizyé istansisi - < u–tv > ni tesis qilip, sinaq teriqiside 24 saet program tarqitishqa bashlighan idi, < u–tv >, hazirgha qeder Uyghurlar teripidin chetellerde qurulghan tunji we birdin – bir internet téléwiziye istansisi bolup, unung tüp meqsidi we ghayisi, aldi bilen weten ichidiki xelqimizni dunya weziyitidin toluq xewerdar qilish, dunya jamaetchilikini Sherqiy Türkistan we Uyghurlar heqqidiki janliq we pakitliq melumatlargha ige qilish, Xitayning Sherqiy Türkistan helqighe qarita yürgüziwatqan bésim we qirghinchiliq siyasitini dunya jamaetchilikige pash qilish, xelqaraliq axbarat wastilirini Sherqiy Türkistanning weziyiti heqqidiki eng yéngi deili – ispatliq matiriyallar we janliq körünüshler bilen teminleshke kapaletlik qilish, Sherqiy Türkistan xelqini dunyadiki yéngi özgürüsh we yüzlinüshlerdin, shundaqla démokratik pikir – éqimlardin xewerdar qilish arqiliq, ularning dunya qarishining tereqqiy qilishi üchün xizmet qilishtin ibaret bolup, < u–tv >, Sherqiy Türkistan milliy musteqilliq herikitining dunyagha échilghan yéngi bir derizisidur.

ETIC ning pirezidenti Abdujelil Qaraqash ependining maddi jehettiki yüksek tirishchanliqi we pidakarliqi netijiside qurulghan bu télévizyé istansisining hazir zamaniwiy eslihelerge ige mexsus studiyesi mewjut bolup, unung bashqurghuchi we tehnik xadimliri, ilgiri uzun yil axbarat – neshriyat saheside xizmet qilghan, Germaniyede kespiy téhnik terbiyesi alghan tejirbilik we iqtidarliq kishilerdin terkip tapqan.
< u–tv > ning sinaq teriqiside tarqitiwatqan purogrammilirini weten ichidiki xelqimizmu biwaste köreleydu, informatsiyon merkizi, Xitayning tosqunluq qilishining aldini élish üchün, mukemmel bir systima qurup chiqti, Hazirgha qeder Xitay hökümiti uni tosush üchün köp qétim tedbir qollanghan bolsimu, emma informatsiyon merkizi yéngi – yengi léniyeler arqiliq yene anglitishni dawamlashturup keldi.

©UÇQUN-KIVILCIM - 18.09.2006 14:46  Hazirliğuçi: A. Qaraqaş