Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

8 ) Zhongguo Dora Tekshürish Idarisining Bashlighi: Men Yimekliklerdin Xatirjem Emes!?

Hökimetning bir aygha yeqin japaliq tekshürishining netijiside, Chüyangdiki saxta süt parashogi weqesining bash axiri asasi jehettin tekshürilip eniqlandi. Tekshürish gruppisining bashlighi, döletlik yimeklik-dora mehsulatliri tekshürish bashqurush idarisining bashlighi Zhen mundaq digen: Zhongguodiki bir qisim qanunluq zawutlarningmu mushuningdek nachar süpetlik süt mexsulatlirini ishlepchiqirishini oylapmu baqmaptikenmiz, Zhongguo merkizi telivizor istansisi uning sözini neqil keltürip bularni ashkarlighan: bu weqe emilyette bu yil ashkarlanghan weqe bolmay alliburun yeni 2003-yili chaghandin keyinla kishiler bu mesilini inkas qilghan, 7-ay we 8-ayda yerlik telivizor istansisiliri teripidin ashkarlanghan, ötken yili 12-ayda Zhongguo merkizi telivizor istansisi 7-kanilidimu bu weqe toghriliq melumat berilgen idi. lekin yüksek etiwargha erishmigen asasliq mesile yerlik tekshürish nazaret tarmaqlirining sewebidindur. Bu yil 4-ayning 19-künidin 5-ayning 16-künigiche, pütün Zhongguoni zilzilige keltürgen Chüyang saxta süt parashogi weqesi asasen eniqlinip boldi. merkizi hökimet tekshürish gruppisining tekshürip ispatlishiche: bu weqe sewebidin ozuqluq madda yetishmey wapat bolghan narsidiler 12 neper, 2003-yili 1-marttin keyin tughulghan süt parashogini ozuqluq qilghan narsidilerni beden tekshürishtin ötküzgende: ozuqluq madda yetishmeslikke griptar bolghanlar 229 neper bolup, 189 nepiri yenik derijidiki ozuqluq madda yetishmeslikke yatidiken. Chüyang shehride tekshürip tepilghan 55 xil süt parashogi mexsulati 10 ölke, aptonum rayon biwaste qarashliq sheherlerdiki 40 karxanigha chetilidiken Mesilen: zawut nami yoq, zawut adrisi yoq qara zawutlar, yene bashqilarning zawut namini süyistimal qiliwalghanlarmu, qanunluq zawutlarmu barken. Bu nachar süpetlik mehsulatlar asasen Zhenzhuodiki wankelai baziri, Hefeidiki changjiang top setish baziri, Benbudiki tinichliq kochisi yengi baziri qatarliqlarning biwaste herqaysi talla baziri, türlik mallar baziri, universal magazin we yezilardiki dukkanlargha top tarqitishidin taralghan. Hazirgha qeder 10000 xalta bu xil mehsulat pichetlendi, musadire qilindi we setishtin toxtitildi. Ishlepchiqirish we qachilash orunliridin törti yoqitildi, 47 adem qolgha elindi, 59 adem tekshürildi, 31 adem resmi qolgha elinish elan qilindi, 203 adem qanungha chaqirtildi. Idare bashlighi Zhen yene munularni digen: bular peqetla bu mehsulatlarni yasighan, satqanlarning jazasidur, emdi qilidighan ishimiz mesuliyetsizlik qilip bu weqelerni keltürip chiqarghan yerlik emeldarlarning mesuliyitini tekshürip bir terep qilimiz. Bu weqe tekshüriliwatqan waqitta 5-ayning 11-küni Guangzhouda saxta haraqtin zeherlinish weqesi yüz berip, 40 adem zeherlengen, 11 adem wapat bolghan. yeqindin buyan yimeklikler bixeterligige taqishidighan weqeler arqa arqidin yüz bermekte bulargha qarita idare bashlighi Zhen: Zhongguodiki yimeklikler mesilsining nahayiti eghirlighini eytqan: puxralar nimege ishinip nimini yiyishni bilmey qaldi, bu süt parashogidikila ish bolup qalmay, dora-dermek, saqliqni saqlash mehsulatliri, hette bezi köktatlar, miwilerdimu xatirjemsizlik alametliri bar.

www.omnitalk.com din elindi. ETIC terjime tehrir bölimi teyyarlighan. 

©UÇQUN-KIVILCIM - 03.01.2005 20:20  Hazirliğuçi: A. Qaraqaş