Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

7 )  Saxtiliq Padishalighi - Zhongguo

Zhongguoda yashawatqan kishiler! Siler menggü esinglarda saqlanglar! Zhongguo birinji derijilik saxtiliq chong döliti, Zhongguogha basqan birinji qedimidingizla derhal buni his qilisiz, dölet ehwali ajayip—saxta mallar hemme jayni qaplighan, yalghan söz hemmining aghzida, bu jehette aldigha ötidighan hichbir dölet yoq! Bularning hemmisini Zhongguoche alahidilik keltürüp chiqarghan. Eger bu ehwallargha sella diqqet qilmisingiz hemme jayda ziyan tartisiz hetta hayatingizgha, mal mülkingizge kapaletlik qilalmaysiz.

Bir hepte axiri küni, seher turup belki keypiyatingiz yaxshi bolghachqa xoshningiz---dehqanchiliq tetqiqat akadimiyiside ishleydighan yigit--- bilen barawer siwitingizni kötirip ailingiz üchün esil köktatlarni setiwalmaqchi bolisiz, köktat bazirida her-xil esil köktat miwiler mol bolup xoshningiz sizge: bular körkem turghini bilen qeti yiyishke bolmaydu chünki bular ximiyilik oghut we xormonlar bilen östirilgen, hemmidin qorqunichlighi bula emes yene köktatlardin yuquri mexsulat elish ziyandash hasharetlerdin saqlinish üchün, köktatchilar zor miqdarda ötkür zeherlik dehqanchiliq dorisi qollinip, köktatlardiki zeherlik dora terkiwini belgilimidikidin köp ashurwetken. Eger sen her küni bu köktatlarni istimal qilsang bu xuddi angliq halda pul xejlep asta xaraktirliq zeher yigendek ish, sen depbaq bu qorqinichliqmu emesmu?

bahasi qimmet bolsimu üstige“ ishenchilik“ digen xet yezilghan dehqanchiliq tetqiqat akadimiyiside yetishtürilgen köktat-miwilerni setiwelishni ümit qilip, Siler yene etraptiki chong bir talla bazirigha keldinglar xoshningiz u chaghda yene mundaq deydu: bu köktat-miwiler bilen köktat baziridiki köktat-miwilerning hichqandaq perqi yoq, hemmisi oxshashla ximiyilik oghut we xormonlar bilen yetishtürilgen, bolmisa nechche ming yil teriqchiliq qilinip küchi qurutiwetilgen bu tupraq qandaqsige bunchilik yaxshi hosul bersun? Peqetla xeridarlarni xatirjem qilish üchün aziraq pul xejlep, para berip bu namni süyistimal qilghan xalas. Yengi gösh tuxum setish ornida xoshningiz sizni agahlanduridu: gösh setiwalghanda intayin diqqet qilish kerek! su qoshulghan et, uruqlitish jewhiri bilen beqilghan choshqa göshi, ülük choshqa, kesel choshqa hemmisining göshi bar, selle diqqet qilmisang aldam xaltigha chüshisen, bolupmu teyyar qiymini qeti elishqa bolmaydu chünki uning qandaq haywanning göshi ikenligini hichkim bilmeydu, renggini chirayliq qilish üchün hetta uninggha qizil reng berilidu. Bu sözlerni anglighandin keyin siz ishinip ishenmey: ehwal bu derijide eghirliship ketiptu, partiye merkizi komititi, hökimet bilmigenmidu? Rehbiriy kadirlar bu yimekliklerni istimal qilmamdighandu? dep sual qoyishingiz mumkin. xoshningiz bularni sizge sözlep beridu: bu dehqanchiliq mehsulatlirigha ximiyilik oghut dorilarni ishlitish ehwallirini partiye merkizi komititi, hökimet we rehberlerning könglige besh qoldek ayan, lekin ular bu ehwallarni yoqatqili bolmaydighan ehwal dep bilgechke, qeti qarargha kelip partiye merkizi komititi, hökimetning turushluq orni Zhongnanhaidikiler Beijingning gherbidiki Xiangshande özliri bashquridighan qoshumche yimeklikler bazisi qurup rehberler we ailisidikilerni alahide zehersiz yimeklikler bilen teminlewatidu, oylap beqing ehwal bu derijige barghan. xoshningiz teximu köp mexpiyetliklerni sözlep sizni qorqitiwetidu: bazarda setiliwatqan beliq qatarliq su mehsulatlirining köpinchisi buzulup qalmaslighi üchün terjibixanilarda ülükning buzulup qalmaslighi üchün chilinidighan formalingha chilanghan, formalinning yene bashqa alahidilikliri bar teyyar chöpni aqartish. Islighan herxil göshler, qezilar teyyarlinish jeryanida qurutlap qalmaslighi üchün ötkür zeherlik dehqanchiliq dorisi DDW ishlitilgen. Tuz ornigha sanaet tuzi ishlitilgen yene bir xil madda bolup zeherlesh derijisi zemche bilen tengken unimu ishlitidiken. Talla bazarliridiki „yéshil seghiz“ dep atalghan bir yimeklik bolup uni yashlar hemmidin bek yaqturup istimal qilidiken, chünki u zeherlik chekimlik „zeher muz“ yasaydighan xam matiryal bilen yasalghan bolup ademni xumar qilip chaynimisa turalmaydighan qilip qoyidiken. „kala göshlik teyyar chöpning“ ichidiki kala göshi temi beridighan madda sanaetke ishlitidighan may iken. Achchiqsunimu(sirke) qeti elishqa bolmaydu, chünki hazirqi achchiqsular reng jewhiri bilen achchiqsu kislatasini nisbetleshtürip yasalghan bolup, pütünley ximiyilik suyuqliqqa aylanghan. Qoruma qorighanda ishlitidighan purchaqtin yasalghan tem kirgüzgüchi(jiangyou) bolsa ademning chechidin yasalghan.

Jemiyette bolsa saxta doxtur, saxta herbi, saxta herbi organ, saxta saqchi we saqchi mashiniliri yeghip ketken. Kochilardiki ashpuzillarda tamaq yiyishmu chong bir xeter chünki Zhongguo ahalisining onden biri B tipliq jiger yallughi bilen yuqumlanghan, yene sanini bilip bolmaydighan Aids virosi bilen yuqumlanghuchilar.

Bu mexpiyetliklerni peqetla özingiz bilip qeling we téshida sözlep yürmeng. Chünki „uluq sotsiyalistik wetinimizni haqaretligen“, „echiwetish islahatning yaxshi weziyitige qara sürkigen“, „eksilinqilawi teshwiqat“ digendek jinayetler bilen sotlinishingiz mumkin.

Bu maqalini ETIC terjime tehrir bölimidin Alimjan www.boxun.com din qisqartip terjime qilip teyyarlighan bolup qoshumche qilip qoyidighinimiz töwendiki kona sözimiz:    Wetinimiz  Uyghuristanda bu ishlar bolghanmu? boliwatamdu? bu ehwallarni peqetla wijdani bar, imani bar,eqli hushi jayida kishilirimizla bileleydu. Eziz wetendashlirim! segek bolingizler bizdimu bu ehwallar xilila eghir! ishlepchiqirish-qurulush qisimliri meydanliridiki oriya(ximiyilik oghut)bilen bordilip bazarlarda sitilivatqan simiz qoylar,toho-ördekler, zeherlik himiyilik dorilar bilen aynitilivatqan köktat miwiler,aqartish parashugi bilen qardek aq qilinghan unlar,ichkiri hitaydiki ishlepchiqirish sharaiti ölchemsiz fabrikilardin chiqqan terkibini bilgili bolmaydighan,yash ösmirlirimiz mezze kilip yeydighan chirayliq oralghan her hil tatliqlar,süpetsiz chaylar ....bularning hemmisi ideologiye jehettiki zeherlesh,qaymuqturush,nadanlashturush bilen birliship,bizning eqlimizni bulghap,imanimizni ajizlashturup burunqi mekkumlikke boy bermes harektirimizni özgertip,jenggiwarlighimizni yoqutip,hazirqi munqerzlikkimu elekmulla deydighan halimizgha kelturdi.(mining dimekchi bolghinim tarihimizdiki bu eghir künlerning hemmisini bu ishlargha artip qoyghanliq emes)  eziz qirindashlirim mining umit qilidighinim bu maqalini oqighan her bir wijdani bar,imani bar kishilirimizning her daim bazardiki yimekliklerni segeklik bilen küzütüp özumizni kelgusi wetinimizning igisi bolghan ewlatlirimizni zeherlinishtin saqlishini soraymen. bolsa qeti qarargha kilip hitaylar ishlepchiqarghan yimekliklerni sitiwalmanglar!satmanglar!istmal qilmanglar!.bu bizning qölimizdin kilidighan, zor bedel ketmeydighan eng addi, eng ünümlik bir karshiliqtur.   

©UÇQUN-KIVILCIM - 03.01.2005 20:04  Hazirliğuçi: A. Qaraqaş