Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Shanghai Beshlikining Yighini Özbekistanning Paytexti Tashkende Ötküzüldi

Bu yil 6-ayning 17_küni Özbekistanning sahipxanlighida  Shanghay Birlik teshkilatining 4-qetimliq umumiy yighini Tashkent shehiride ötküzüldi. Yighingha Islam Kerimov, Wladimir Putin, Nursultan Nazarbaev, Esqer Aqaev, Emomali Rahmonov ve Hu Jintao qatarliq alte döletning dölet reisi qatnashqan bolup, Afghanistanning prezidenti Hamit Karsay ve Mongghuliye dölitining Tashqi Ishlar ministiri Luwsangiyn Erdenelar’mu mehman süpitide qatnashti. 

Bu yighin ettigen saet 9.00da Tashkent shehiridiki „Terrorizmgha qarshi regionalliq qurulmisi“ benasining echilish murasimidin bashlandi. Undin kéyin dölet reisliri sözge chiqip, birleshme ve özara uchrishishlarni ötkezdi. Yighin netijisi Tashkent Bayanati qatarliq 10 türlük toxtam ve anglashmilar imzalinishi bilen birge Xitay dölet reisi Hu Jintao  Shanghai Birligige eza döletlerning iqtisadigha yardem qilish üchün 900 million Amerika dolliri qerzini Xitay döliti  beridighanlighini elan qilishi bilen axirlashti. 

Rus metbuati Tashkenttiki yighinning mexsiti pütünley terrorizm ve bölgünchilikke qarshi bolghanlighini bayan qildi. „Rossiyskaya“ gezitige asaslanghanda, Shanhai Birligining bu qetim elan qilghan bayanatida „üch türlük yaman küchke, yeni terrorizm, bölgünchilik ve narkotikqa qattiq zerbe berish“tin ibaret mesililer eng muhim orun aldi dep bayan qildi. U gezitte yene, Monghuliyening   Shanhay Birligige eza bolushning aldida, aldimizdiki yili Qazaqstanda ötküzülidighan umumiy yighingha  Monghuliyening dölet reisi küzetküchi süpitide teklip qilinghanlighi ve uning u yighinda heq-hoquqliri ve derijisi belgilendi.  

„Moskovskaya“ gezitining xewer qilishiche, Xu Jintav özining bu qetimqi Tashkentte qilghan sözide   „üch türlük yaman küchlerge, yeni terrorizmgha, bölgünchilikke ve ekstremizimgha qattiq zerbe berish kerek“ degen jümlini asas qilip turup, sözining axirida Xitay döliti Shanhay Birligige eza bolghan döletlerge, yeni Qazaqastan, Qirghizistan, Tajikistan, Russiye ve Özbekistanning iqtisadigha yardem süpitide 900 million dollar ajratqanlighini xewer qildi.

©UÇQUN-KIVILCIM - 15.02.2006 14:04  Hazirliğuçi: A. Qaraqaş