Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

5 ) Yaponiyening „IZDINISH“ yerim ayliq jornilida Yapon Zhongguo herbi küchini selishturghan buning muhim mezmonlirini diqqitinglargha sunimiz

Hawa Armiyisi we Küreshchi Jeng Uchaqliri:

Hazirqi zaman urushlirida hel qilghuch rol oynaydighan armiye türi hawa armiyisidur. Yaponiye hawadin qoghdinish etritining texminen 360 jeng uchighi bar bolup, Zhongguo jeng uchaqlirining sani bu sandin köplep éship ketidu. Yapon jeng uchaqlirining türi mundaq texminen 200 danisi F-15 tipliq, 100 danisi F-4 tipliq küreshchi jeng uchaqliridur. 30 dane eng yengi tipliq F-1 we 30 dane F-2 tipliq küreshchi jeng uchaqliridur. Zhongguo hawa armiyisining jeng uchaqlirining köpinchisi sabiq Sovet ittipaqining MG tipliq özgertilgen türliri bolup, lekin 1998-yili Rossiyedin eng ilghar jeng uchiqi SU-27 ni kirgüzdi hem dawamliq tereqi qildurmaqchi. Buning bilen Zhongguoning eng yengi kirgüzgen jeng uchiqining sanila Yapon jeng uchaqlirining omomi sani bilen tengliship qalghan we  hawadin qoghdinish etritining nöwettiki hawadiki üstinligini tewritip qoyghan. lekin bu jeng uchaqlirining jenggiwarlighini selishtursaq Amerikining F-15 tipliq jeng uchiqi dunyadiki eng ilghar uchaqtur. Rossiyening SU-27 tipliq uchiqi asasen F-15 ni teqlit qilip yasalghan. Lekin asasliq mesile hawa armiyisining kündilik méshiqi bolup uchquchi yilda az digende 150 saet uchush meshqi elip berishi kerekken. Yeqindin yaqi Yapon Amerikidin eng ilghar eliktironliq radar sestimisi, hawadin hawagha qoyup berilidighan AMRAMM tipliq bashqurilidighan bomba, AWACS tipliq razwetka uchiqi we hawada yeqilghu qachilash uchaqlirini kirgüzip uzaq musapiliq jeng qilish jehette Zhongguodin éship chüshti.

Dengiz Armiyisi We Su Asti Kemiliri:   

Zhongguo dengiz armiyisining yuquri pen-texnika sewiyisi nöwette anche yuqiri emes lekin küchep tereqi qilduriwatidu mesilen: Rossiyedin „Dewr“ derijilik qoghlap zerbe berish kemisini kirgüzdi, su asti kemilirining jeng qilish sewiyisi dawamliq ösmekte. Yapon dengizda qoghdinish etritining 142 dane kemisi bolup, 45000 eskiri bar. 16 dane su asti kemisi bar san jehettin az bolsimu lekin her jehette dunyadiki eng ilghar sewiyididur. 80 dane P-3C tipliq dunyada eng küchlik sanalghan su asti kemisige zerbe beridighan razwetka uchiqi bar bolup bular jeng waqtida Zhongguoning jeng kemilirini midirliyalmas qiliweteleydu.

Quruqluq Armiyisi we Alahide Qisim:

Yapon quruqliqta mudapie körish etritining 1070 dane tankisi 150000 eskiri bar bolup, buni Zhongguoning dunyadiki kölimi eng zor quruqliq armiyisi bilen selishturish mumkin emes. Zhongguo quruqluq armiyisi tengdashsiz bolsimu, lekin Yaponiyening dengizda mudapie körish etritining we hawada mudapie körish etritining qamal torini bösip ötip zorliq bilen Yapon tupriqigha kirip jeng elip berishi birqeder qiyindur. Yengidin qurulghan Yapon gherbi yölinish zerbidar qismi aran 3 ottura etrettin tüzilgen bolsimu lekin herbir ottura etretke birdin alahide jeng iqtidarigha ige xillanghan kichik etret seplengen bolup jeng qilish iqtidari nahayiti yuqiri.

Yaponiye tashqi ishlar wazariti bayanatchisi bu yil 2-ayda bularni bildürdi: eger Zhongguo Yapon talash tartish qiliwatqan Diaoyüdao arili hujumgha uchrisa Amerika „Yaponiye Amerika bixeterlikke kapaletlik qilish kelishimige“ asasen qoghdinish herkitini elip baridu hem kelip yeqinda Yaponiyeni ziyaret qilghan Amerika muawin dölet ishliri katiwi Amidich muxbirlarni kötiwelish yighinida mundaq didi: eger Yaponiye hujumgha uchrisa Amerika choqum otturgha chiqip yardem beridu. ötken yili 1-aydiki Tokyoda ötkizilgen Yaponiye-Amerika herbi siyasi meslihetlishish yighinidila Amerika Yaponiyeni sherqiy Asiani qaplaydighan urush rayoni bashqurilidighan bombidin mudapie körish pilanigha (TMD) qatnishishqa tewsiye qilghan idi. Amerika 3 yil burunla Yaponiyening Diaoyüdao ariligha bolghan igilik hoqoqini etirap qilghan idi hem nöwette aralgha Amerika eskerlirini orunlashturishni meslihetlishiwatidu. Analizchilarning körsitishiche eger Yapon Zhongguo Diaoyüdao arili sewebidin toqiniship qalsa, Amerikining Yapongha beridighan yardimi bu üch tereptin bolidiken.

Axbarat-uchur yardimi: nurghun kishiler Amerika armiyisi emiliy jengge qatnishishi mumkin dep qaraydu, emilyette Amerika axbarat-uchur yardimila bilenla Yapongha yardem bereleydu. Mesilen Zhongguo armiyisining yötkilish ehwali, herbi qorallirining ehwali qatarliqlar. Eliktironliq jeng: Amerikining eliktironliq jeng iqtidari dunyada birinji orunda bolup, eger Amerika toqunushning aqiwitini belgilimekchi bolsa, Zhongguo qisimliri herket qilishning aldida chong kölemlik eliktironliq kashila peyda qilish we kompiyitir tori hujimi arqiliq qomandanliqni, arqa sep teminatini, alaqini palech halgha chüshirip Zhongguo armiyisini qalaymiqanlashturup herkitini axsitidu axirida Zhongguo armiyisini chekinishke mejbur qilidu.

Biwaste urushqa qatnishish: bu Amerika armiyisining eng bolmighandiki pilanidur. Chünki Zhongguo yenila bir Atom döliti hem BDT bixeterlik komititining daimi ezasidur. Urush jeryanida Amerika armiyisi ehwalgha qarap weziyetni kontirol qilidu, amalning beriche Zhongguo tuprighigha hujum qilishtin saqlinidu. Amerika armiyisining Awiamatikisi aral talishish jengidiki eng ünimlik qoraldur hem Yaponiye dengizda qoghdinish etritining küchi qoshilip Zhongguo dengiz armiyisini chong tehditke duchar qilidu. Bu urushqa Amerika Yapondiki hetta Guandao we Haway arilidiki istratigiyilik bombardimanchi uchaqlirini we su asti kemilirini yötkep kelishi mumkin. 2003-yili Amerika aldin körerlik bilen Guandaogha köplep „Los Angeles“ derijilik istratigiyilik atom enirgiyilik su asti kemisi we B2 xiyali kölenggilik istratigiyilik bombardimanchi uchaq yötkigen idi. 

www.omnitalk.com din elindi ETIC terjime tehrir bölimi teyarlighan.    

©UÇQUN-KIVILCIM - 03.01.2005 20:03  Hazirliğuçi: A. Qaraqaş