|
Hujingtao we Wenjiabao
wekillik qilghan Zhongguo kommunistlirining 4- ewlat
rehberliri, ediologiye saheside islahat yürgizmekte hem
buninggha maslashqan halda kommunistlarning hakimyet
yürgüzüsh usulidimu yengi nishan barliqqa keldi. éniqki
bu yengi siyasi uslup we uqumlarning, Dengxiaoping we
Jiangzeminning neziryiliri bilen roshen oxshimasliqliri
bar. adette gherip alimlirining qarishi mundaq: Zhongguo
kommunistlirining ediologiyesi neziriyiwi édilogiye we
emiliyiwi édilogiye dep periqke ige bolup, aldinqisi
Zhongguo kommunistlirining uzaqtin buyan özgertmey
saqlap keliwatqan dunya qarishi, pelsepiwi tüzilmisi,
arqidikisi bolsa ularning hazir yürgiziwatqan siyaset we
siyasi uslupliri. ellik nechche yildin buyan Zhongguo
kommunistlirining neziriyiwi édilogiyeside anche chong
özgirishler bolmighan bolsimu, lékin emiliyiwi
édilogiyeside alliqachan nurghun özgirishler boldi,
hetta toxtimay özgirishler boliwatidu.
Zhongguodiki partiye, hökümet, armiyelerning ölke
derijilik emeldarliri, chong herbi rayonlarning
qomandanliri 2-ayning 16-künidin bashlap Beijing
merkiziy partiye mektiwige yighilip, bir heptilik yengi
tereqiyat engi tetqiqat munazire kursigha qatnashmaqchi
we bu arqiliq idiyini birlikke keltürüp, tonushni
chongqurlashturup, yengi bir nöwetlik merkez otturgha
qoyghan hakimyet yürgüzüsh yengi siyaset usluplirini
omomyüzlik emilileshtürmekchi. Ötken yili küzde, ZhKP
ning 16-nöwetlik 3-omomi yighini ademni asas qilip,
omomyüzlik, maslashqan, üzliksiz tereqiyat engini
tikleyli digen shuarni otturgha qoydi, bu--- yighindiki
eng muhim, qetilik tüsini alghan yengi neziriye
ghalibiyet miwisi bolup hisaplinidu. Bu burunqi
ixtisadning eshishigha heddidin artuq qeyip ketishtek
xataliqni tüzütip, tereqiyatning omomyüzlik, maslashqan
we üzliksiz bolishini tekitlep, axirsida ademning
tereqiyatigha merkezleshken. Emilyette, yengi tereqiyat
engi bu nöwetlik yengi merkezning döletni güllendürüsh
bayrighi bolghan. hem kélip bu yil Zhongguoning yengi
tereqiyat engini yürgüzgen birinchi yili,
bashlinishidila ghelibilik bolamdu bolmamdu bu asasliq
rehbiri kadirlarning idiyisidiki tonush bilen ching
baghlinishliq, shuning üchün merkezning bu qetim Beijing
merkiziy partiye mektiwide orunlashturghan kursi orunsiz
emes.
Yeqindila ayaqlashqan 10-nöwetlik xelq qurultiyining 2-
qetimliq yighinida, Wenjiaboning dokladida, döletning
üzliksiz tereqiyatini choqum emilileshtürüsh kérek dep
tekitlengen. Ademni asas qilghan üzliksiz tereqiyat
nuqtinezirining xelqarada peyda bolghinigha 20 yil
bolghan yengi uqum. asasliq mezmoni: hazirqi dewir
ademlirining tereqiyatining kelgüsi ewlatlarning
menpetini qurban qilish bedilige kelmesligini we selbi
tesir bermesligini tekitleydu. Asaslighi enirgiye
menbesining xorishi we muhitning bulghunishini körsitidu.
Germaniyede, bu yeshillar( Die Grün) partiyisining
asasliq progirammisi bolup, hazir herqaysi siyasi
partiyilerning ortaq tonishigha aylandi. üzliksiz
tereqiyat nuqtinezirini bilen markisizimdiki ixtisadi
belgilime nuqtineziri oxshimaydu. ZhKP ning uzaqtin
buyan ishinip keliwatqan tarixiy matiryalizimida bolsa,
ixtisadi asas üsti qurulmini belgileydu, dep körsitilgen.
Dengxiaopingning islahatta otturgha qoyghan;
tereqiyat(ixtisadi) hemmini belgileydu, digen neziryisi
netijiside, 20 nechche yildin yaqi Zhongguo hökümiti
ixtisadning eshishighila küchep(8% din ashurush),
enirgiyining xorishigha, muhitning bulghunishigha we
insanlar medinyitige köngül bölmigen. Bu Zhongguonila
apetke bashlap qalmay, yer sharining weyran bolishini
keltürüp chiqiridu. Ötken esirning 70-yillirining
axiridin bashlap, hazirghéche Zhongguo ixtisadi üzliksiz
yuquri eshishtek netijige erishti. Lékin kishiler shuni
bayqaydiki, bu eshishlarning keynide sheher yezilarning
perqi, rayonlar perqi, puxralar kirimi perqi qatarliq3
periq üzliksiz chongaymaqta. Buning bilen bir waqitta,
ixtisadning yuquri eshishi, islahatning mexsidi boyiche
bolghanda yuquri xizmetke orunlishish pursitini keltürse
bolatti, lékin eksiche undaq bolmidi.(Nezer) heptilik
jornilining xewer bérishéche, her yili sheher-bazarlarda
körilidighan on milyonlighan ishsizlar, yüz milyondin
ashidighan yezilardiki artuq emgek küchliri(yersiz
dehqanlar) we 20 yildin keyin kelidighan nopusning
eshish dolquni, ishsizlar yuquri dolqini, yashanghanlar
nopusi yuquri dolqini qatarliq birleshme küch, hazir we
kelechekte Zhongguo ixtisadigha omumyüzlik , chongqur
besim bolidiken. Yene bir tereptin, Zhongguo hazir
birdinbir mukemmel sotsial kapalet sestimisi bolmighan
tereqi qiliwatqan dölet. Ishsizliqning derdi, sirtqi
muhitning yardimi bolmighan sharaitta hessilep eship
ketiwatidu. Bu qetimqi Wenjiaboning hökümet dokladida,
tunji qetim cheklimini buzup, ishsizlarning sanini elan
qildi.
Islahatning desliwide, Dengxiaoping bir qisim kishiler
aldin beyisun digen shuarni otturgha qoydi. bu shu
waqittiki dash qazan tüzülmisini buzushqa türtke bolghan
idi. aptor Taiwandiki ziyaritide, Taiwanlik bir alim
buninggha bolghan angqiralmasliq qarishini ipadilidi:
Taiwandiki kapitalizim tüzilmisidiki dölet milli
partiyisi(Gomindang) cheghida barawer beyishni
tekitleydu, eksiche chong quruqluq sotsiyalizim
tüzilmisidiki kommunisttik partiye turup bir qisim
kishilerning aldin beyishini otturgha qoyghan, bu
qarashni sotsiyalizim tüzilmisige kirgüzüsh mümkin emes.
islahat Zhongguoda qismen baylar sinipi bay rayonlar
ni peyda qildi, lékin hazir köpchilik awam islahat
miwisidin teng behrimen bolidighan chagh yetip keldi.
hökümet 13 milyard awamni oylashmisa bolmaydighanlighini
chüshinip yetti. Zhongguoda hemmidin bek kemsitilishke
uchraydighanlar dehqanlar, hazir nurghun dehqanlarning
eng addisi qosaq toyghuzush mesilsi hel bolmidi. Yezilar,
dehqanlar, dehqanchiliq bu 3 mesile nowette Zhongguo
dairlirining eng jiddi sotsial mesilsige aylandi, bu
mesililerni hel qilish, Wenjiaboning bu qetimqi
dokladida muhimning ichidiki muhim wezipe bolup
békitildi. U wede bérip mundaq didi: bu yildin bashlap,
tedriji dehqanchiliq beji töwenlitilidu, ottura hisap
bilen her yili 100 de bir punkittin yuquri, 5 yil ichide
dehqanchiliq beji emeldin qaldurilidu. Zhongguodiki
hökümet dairlirige qaraydighan tetqiqat orunlirining
elan qilghan bir parche dokladida körsitilishéche:
Zhongguodiki sheher ahaliliri bilen yeza ahalilirining
ixtisadi kirim perqi dunya boyiche eng chong bolup,
sheherliklerning kirimi yeziliqlarning kirimidin 3.1
hesse yuqiri iken. Yezilardiki yashash sharaiti nachar
bolghachqa, yeqinqi nechche yillardin buyan yuqurgha
eriz qilish, toplam toqunushliri we tuyuqsiz weqeler
köpiyip ketken. Ötken yili yil axirida, sheherlerdiki
köpligen dehqan ishchilarning ish heqqini alalmasliqtek
echinishliq ehwalliri bularning ichide. Bezi
organlarning istatiskisigha qarighanda yezidikilerning
öliwelish nisbiti sheherliklerdin 3 hesse yuqiri iken.
Bu yili Zhongguo kommunistliri öz waqtidiki Huyaobang,
Zhaoziyanglar dewrini özlirige ülge qilip, dehqanlar
mesilsini hel qilish toghrisidiki 1- nomurluq höjjetni
elan qildi. Huyaobang dewride, ZHKP merkizi komutiti her
yili yil beshida dehqanlar mesilsi toghrisida
1- nomurluq höjjetni elan qilatti, Jiangzemin dewride
bolsa bu ishlar onnechche yil tashlinip qaldi. Zhongguo
kommunistliri öz zamanisida dehqanlargha tayinip
hakimiyet qurghan idi, hazir bolsa eksiche ularning
menpetige köngül bölmekchi
Muhit qoghdash mesilsi, jemiyettiki adalet mesilsi,
dehqanlar mesilsi bu Zhongguodiki tashlinip sel
qaralghinigha bek uzun bolghan mesile. Emdi yene jiddi
tutilip hel qilinmisa, Zhongguo siyasi we ixtisadi
böhranning patqighigha petip qalidu.
Aptori: Bo Gu, Terjime qilghuchi Alimjan. Germaniye,
2004- yili april.
2004-yili 3-ayning 15-küni, ETIC bayanatchisi
Dilshat.Reshit ependi, Yawrupada(Germaniye) chiqidighan
Zhongguo Soda Geziti ning ziyaritini qobul qilip
ularning mexsetlik suallirigha, weten ichidiki we
sirtidiki Uygurlarning yürigidiki sözlerge wekillik
qilghan halda, diplomatlargha xas zereklik we dadilliq
bilen jawap bergen. töwende bu gezitta besilghan
maqalining biz muhim dep qarighan mezmonlirini weten
teghdirige köngül böliwatqan oqurmenlirimizning
oqushigha sunduq.
ETIC, terjime tehrir bolimidin Alimjan teyyarlighan.
Tongjin (muxbir): Siz Zhongguo hökümiti teroris
teshkilat dep elan qilghan ikki teshkilatinglarning(DUYQ
we ETIC) xaraktirige qandaq qaraysiz?
Delshat.Reshit: 11-sentebir weqesidin keyin, Zhongguo
hökümiti xelqaraliq terorisliqqa qarshi bu eqimdin
paydilinip, Uygur millitining özining milli erkinligi,
diniy eqide erkinligi üchün élip bériwatqan siyasi
herketlirige terorist dep qalpaq keygüzüp, bu arqiliq
xelqara jamaetni qaymuqturup, özlirining mexsidige yeni
ziyankeshlikke uchrawatqan Uygur millitining siyasi
teleplirini yiltizidin yoq qiliwetishke urunmaqchi.
Uygurlarning bu siyasi teshkilatliri héchqachan,
héchqandaq terorisliq bilen shughullinip baqmighan.
Muxbir: Ötken yili Zhongguo hökümiti bu ikki
teshkilatinglarning bayanat we herketlirini misal
keltürüp xaraktirini terorisliq dep békitken, mening
soraydighinim silerning bu ikki teshkilatinglarning
siyasi közqarashlirida terorisliq usuldin paydilinip
siyasi nishangha yétishtek telepler barmu?
Delshat.Reshit: Germaniyede qurulghan bu ikki
teshkilatning siyasi nishani nahayiti éniq u bolsimu
Zhongguoliqlarning wetinimizdiki hökümranlighini
ayaqlashturup, Uygurlarning musteqil dölitini qurush,
bizning Yawrupada élip bériwatqan paaliyetlirimizning
hemmisi BDT we xelqaraliq ehdinamiler shundaqla
Germaniye qanunliri ruxset qilghan dairide shundaqla
Sherqiy Türkistanning erkinligi demokiratsiyesini qolgha
keltürüsh üchün élip beriliwatqan siyasi herketler.
Muxbir: Siz baya sözligen siyasi nishan, Zhongguoning
sözi boyiche bolghanda Zhongguoni parchlash bolidu. bu
Zhongguoliqlar üchün eytqanda nahayiti nazuk mesile,
chünki köpchilik Zhongguoliqlar herqandaq musteqilliq
xaishlirigha qarshi yeni bu Taiwan musteqillighi, Tibet
musteqillighi, Uygurlarning musteqillighi qatarliqlarni
öz ichige alidu. bizning hemmidin bek
chüshinelmeywatqinimiz: siler nime üchün musteqil
bolmaqchi? Zhongguoning qarishéche az sanliq millet
rayonlirigha ghayet zor adem küchi, meblegh ajritip u
jayning ixtisadi ehwalini yaxshilap, yerlik puxralarning
turmush sewiyisini yuquri kötermektiken. bundaq
sharaitta silerning musteqilliq telep qilishinglar
heqliqmu?
Delshat.Reshit: Aldi bilen sizge shuni eskertish zörür,
musteqilliqqe intilish herqandaq milletning eqelli
bolushqa tegishlik hoqoqi, meyli qandaq siyasi tüzilmide
bolsun. Uygur milliti hazirqi zaman tarixida, ikki qetim
özining mustaqil dölitini qurghan, yeni tarixta bizning
musteqil dölitimiz bolghan. Uygurlarning eqelli siyasi
telepliri, eqilge we qanunlargha uyghun herket. Zhongguo
hökümitining we puxralirining bu mesilini chüshinish
chüshinelmesligini obiktip analiz qilish kérek yeni öz
zamanisida Manjular Zhongguoni besiwalghan chaghda,
silerning shuaringlar Manjularni qoghlap chiqirip,
Zhonghuani eslige keltüreyli bolghan idi. shu waqittiki
ehwal bilen hazirqi Zhongguoliqlarning Uygurlar wetinini
besiwalghanlighi bilen oxshash bolup, Uygurlarmu öz
musteqil dölitini eslige keltürüshke elwette hoqoqluq.
Germaniyede royxetke elinghan bu ikki siyasi
teshkilatning telep qilghinimu nahayiti éniq mesile,
Zhongguo hökümitidin Uygurlargha bir qetimliq öz
teghdirini özi demokiratik belgilesh hoqoqini bérish
teliwi, yeni hazirqi Sherqiy Türkistanning chégrsi
ichide yashawatqan yerlik milletlerning awaz bérishi
arqiliq bir qarar chiqirish. eger ular hazirqi hökümet
ichide qelishni xalisa, biz ularning tallishini hörmet
qilimiz. ayrilip chiqip ketishni tallisa u zaman
Zhongguo hökümitimu buni hörmet qilishi kérek, chünki bu
demokiratiyege mangghanliqning bir ipadisidur.
Zhongguoliqlar Uygurlarning musteqilliqqe intilish
arzulirini chüshinip bolalmaydu. siz yuqurda sözligendek
heqiqetenmu Zhongguo hökümiti nurghun meblegh saldi,
lékin buning paydisini körgenler hergizmu yerlik xelq
bolmay eksiche eqip kelgen köchmenler bolup, ular
alahide imtiyazlargha ige.
Muxbir: (Xinjiang) rayoni hazir ichki Zhongguo bilen
emilyette uliship ketti, chünki tarixtin buyan
Zhongguoning herqaysi hökümetliri (xinjiang) gha köplep
köchmen köchergenliktin, hazir Han millitining sani
Uygurlarning sanidin eship ketti. shuning bilen bir
waqitta yene onnechche az sanliq milletmu bar. bu xil
ehwalda eger omomi ahale awaz bérish arqiliq teghdirini
özi belgilesh élip bérilsa, adem sanidin hisaplighanda
Uygurlar üstinlikke erishelmeydu, adettimu köpchilik Han
milliti (xinjiang)ning bölinip musteqil bolishigha
qarshi. bundaq ehwalda sizning oylighiningizdek awaz
bérish arqiliq mesilini hel qilish mümkin bolmay
qalmamdu?
Delshat.Reshit: Milletning öz teghdirini özi belgilesh
hoqoqi hergizmu shu jaydiki mehman milletning ishi
bolmastin, yerlik milletning ishidur. eger mehman
milletmu bu hoqoqqa ige boliwalsa undaqta bu mesile
nahayiti murekkepliship ketidu. mesilen ; Amerika we
Yawrupada nurghun Han milliti köchmenliri bar, lékin
ular bu jaydiki yerlik milletlerning ixtisadi, siyasi
menpetige biwaste tesir yetküzelmeydu, ularning peqetla
yashash we xizmet qilish hoqoqi bar xalas. bu BDT
nizamnamisidimu éniq békitilgen, herqandaq milletning öz
teghdirini özi demokiratik belgülesh hoqoqi bar. bu xil
nizamname bolghanken, elwette Uygur millitining, Sherqiy
Türkistan chégrsi ichide yashawatqan yerlik milletning
bir qetimliq öz teghdirini özi belgülesh hoqoqi bolishi
kérek. bu hoqoq Uygurlargha we shu jayda yashawatqan
ushshaq Türkiy milletlerge xas bolup, hergizmu
mehmanlargha xas emes, men özem mushundaq qaraymen.
Muxbir: siz bayam digen köchmenler mesilsi, emilyette
nahayiti murekkep bir mesile, eger emdila kelgen köchmen
bolsa buning ishi asan, lékin bezi Han milliti
köchmenliri bolsa u jayda ikki ewlat, üch ewlat hetta
tört ewlat waqitning ötishige egiship uzaq muddet
yashimaqta. chünki Qing sulalisidin bashlap köplep esker
we ularni baqquchi köchmenler kirishke bashlighan. ular
hazir bu jayning bir ezasigha aylandi. undaqta siz
kimler köchmen kimler yerlik ahale qandaq ayriysiz,
menche bu bir qiyin mesile?
Delshat.Reshit: Bu mesile dunyadiki nurghun döletlerde
körülgen, ülge elishqa bolidu mesilen: Soviet
ittipaqining parchilinishi, öz waqtidiki Qazaqistanda
Rus milliti köp sanliq millet, Qazaqlar az sanliq millet
idi. Qazaqistan musteqil bolghandin keyin, u jaydiki (mehman
millet) ruslar chetke qeqishlargha uchrimidi, buning
sewebi ular yerlik milletning iradisini hörmetlep,
birlikte ronaq tepish, birlikte yashash, birlikte
rawajlinishni tallighan.
Sherqiy Türkistanning chégrsi ichidiki bu Zhongguoliqlar
mehman millet bolush süpiti bilen, mening qarishimche
bir qismi bizning siyasi teleplirimizni toghra
chüshinishi mumkin, eger ular bizning iradimizni
hörmetlep, birlikte ronaq tepish, birlikte yashash,
birlikte rawajlinishni tallisa, undaqta biz
ishineleymizki biz choqum tinichliq bilen öteleymiz, bu
teripi éniq. bizni hörmet qilmighanlargha nisbeten her
xil diplomatik usullardin paydilinip ularni chégrmizdin
chiqip ketishke mejbur qilimiz yaki bizni hörmet
qilidighan qilimiz.
Muxbir: Ssiz bayam sözlep ötkendek silerning bu ikki
teshkilatinglar (ETIC we DUYQ) omomi xelq awaz bérishtek
usul arqiliq musteqilliq nishaninglargha yetmekchi,
hazir Taiwandimu bu usul yürgizilmekte. emilyette bu xil
usulning netijisi nahayiti éniq bolmaydu, musteqil
bolishqa qarshi turilishimu mumkin, qollinishimu mumkin.
Mesilen: Kanada Quebec rayonining bu xil usul bilen
erishken netijisi, musteqil bolushqa qarshi turghuchilar
köp sanliqni igellep, musteqil bolush emelge ashmighan.
bizning oylighinimiz mundaq, köpchilik Han millitimu
mushundaq oylaydu, siler nime üchün musteqil bolmaqchi?
Eger Zhongguo siyasi we demokiratiye jehette azraq
özgerse, mesilen Dalay Lama ning yoli, u bir yüksek
aptonimiye hoqoqigha ige Tibetni nishan qilghan, u bu
mesilini Zhongguo hökümiti bilen sözlishish arqiliq hel
qilmaqchi. silerning bu ikki teshkilatinglardimu bu
pikir bolghanmu: 1-, musteqilliq silerning eng yüksek
nishaninglarmu? 2-, bu ziddiyetlerni Zhongguo terep yeni
Han milliti kishiliri bilen sözlishish arqiliq hel
qilishqa bolamdu? musteqil bolimiz depla turiwalmay?
Delshat.Reshit: Her bir milletning öz siyasi teleplirige
bolghan qarishi oxshimaydu, biz Tibet millitining
iradisini hörmet qilimiz. lékin Dalay Lamaning yüksek
aptonimiye telep qilishidimu belkim özining
qiyinchiliqlirini közde tutqan bolishi mumkin. qandaqla
bolmisun biz Tibet millitining tallishini hörmet qilimiz.
biz Uygur millitige nisbeten eytqanda, bizning ümid
qilidighinimiz, bizge bir musteqil bolush pursiti
bérilishide!! Siz bayam digendek Kanada Quebec ning
musteqil bolishi emelge ashmighan bolsimu, eqellisi
demokiratik Kanada hökümiti ulargha bir qetim öz
teghdirini özi belgilesh pursiti yaritip bergen. bizning
qolgha keltürüshke tirishiwatqinimizmu emilyette peqetla
Uygurlarning ziminida bir qetimliq öz teghdirini özi
belgilesh pursitini qolgha keltürüsh!!! bu hoqoq
bolghandila andin biz özimizning siyasi teghdirimizni
belgiyileymiz. eger yerlik puxralar hazirqi hayatini
dawamlashturishini tallisa, biz ularning tallishini
hörmet qilimiz. eger ular dawamlashturishni xalimisa,
Zhongguo hökümitimu elwette ularning tallishini hörmet
qilishi kérek. Bu zorawanliqtin mustesna bolghan, ikki
terepning ixtilaplirini demokiratik usulda ayriydighan
eng yaxshi charidur. buning nurghun örnekliri bar,
mesilen: Cheh bilen Slovakiye burun bir dölet idi, özara
awaz bérish arqiliq chirayliqche ayrilishti hazir ular
inaq xoshna bolup yashimaqta, nime üchün Uygurlar choqum
Zhongguoliqlarning hökümranlighida yashaydiken? dostane
dölet munasiwitide yaki inaq xoshna bolup ötse
bolmamdiken?
Muxbir: Hazir Zhongguoda yengi rehberler almashti, ötken
yildin buyan HuWen yengi hökümiti dep qaralmaqta. biz
ularning burunqigha qarighanda bir az mötidil siyaset
yürgiziwatqanlighini körduq. bu xil ehwalda siler
Zhongguo hökümiti bilen munasiwetlishishni
oylashtinglarmu? yaki xalamsiler? shertlik asasta
teshkilatinglarning herkitini toxtitishqa yaki bu ikki
teshkilatni tarqitiwitishke maqul bolamsiler? undaq
bolghanda shertinglar nime?
Delshat.Reshit: Bu sualgha men aldinqi qetim Amerika
birleshme agentlighining interwiosini qobul qilghanda
jawap bergen idim. bizning shertimiz we teliwimiz mundaq:
Sherqiy Türkistan uchur merkizining mewjut bolup turush
sewebi, Zhongguoda axbarat erkinligining bolmaslighi
bilen zich munasiwetlik, Uygurlar ziminida ular sirtqi
dunya bilen bolghan uchur alaqini qattiq cheklesh
siyasitini yürgizip, xelqara axbarat media orunlirining
biwaste u jayning ehwalini igellishige yol qoymaywatidu,
bu xelqara jamaetning we insan heqliri organlirining
Zhongguo hökümitining Uygurlargha yürgiziwatqan
basturushliri we ziyankeshlikliridin xewer
tapalmaslighinimu öz ichige alidu. Sherqiy Türkistan
uchur merkizining mewjut bolup turush we qurulush
sewebimu u jaydiki heqiqi ehwallarni xelqara jamaetke
ashkarlash. eger Zhongguo hökümiti axbarat erkinligini
yolgha qoyup, xelqaradiki axbarat media orunlirining
Uygurlar ziminigha biwaste kirip, cheklimige uchrimighan
asasta erkin interwio we xewer bérishigha yol qoysa,
xelqara insan heqliri organlirining tosalghugha uchrimay
Uygurlar zimidiki heqiqi ehwallarni igellishige yol
qoysa, bu shert astida Sherqiy Türkistan uchur
merkizining mewjut bolup turushi ehmiyetsiz bolup qalidu.
Dunya Uygur Yashliri Qurultiyi bolsa, Zhongguoda meyli
diktator hökümet bolsun meyli demokiratik hökümet bolsun
özining siyasi teshkilatlighini yoqatmaydu, ularning
hazirqi birdin bir siyasi nishani Uygurlar üchün öz
teghdirini özi belgilesh hoqoqi pursiti yaritish, bu
nishangha yetilmeydiken, tarqilish uyaqta tursun
herkitini izchil dawamlashturidu!!!
|
|
