|
ETIC, Alimjan xewiri.
3-ayning 24-küni, 41 neper Xitay Rossiyening chégrsidin
qoghlinip chiqirildi, bularning ichidiki köpchiligi
Zhongguo bilen chégrdash rayonlardin tekshürülüp
tutilghan. Rossiyening yiraq sherq rayonliridiki
qanunsiz köchmenlerge zerbe bérish herkiti
bashlanghandin yaqi, az digende 67 neper Xitay chégrdin
qoghlap chiqirildi. bu herketni Rossiye ichki ishlar
ministirligi, birleshme ishtat bixeterlik idarisi,
Rossiye maliye ministirligi we sehiye ministirligi
birlikte élip barghan. hazirgha qeder, 128 chetellik
emgekchilerni ishlitidighan karxanigha we 200 nechche
qanunsiz köchmenler turidighan orunlargha qarita
axturush élip bérilghan. bu herket dawamliq élip
bérilmaqta.
Yeqinqi yillardin buyan, Rossiyelikler sibiriye
rayonidin köplep köchüp ketmekte. buning bilen bir
waqitta köplep Zhongguoliqlar bu jaygha köchüp kelmekte.
bu ehwallar Rossiye siyaset qatlimidikilerning we ilim
sahesidikilerning Rossiye yiraq sheriq ziminlirigha
bolghan endishisini kündin-künge ashurghan. ularning
qarishéche: Rossiye yiraq sheriq rayonliridiki nopusning
sani bilen qoshna döletlerdiki nopusning sani jehettiki
perqi bekla alahide bolup qalghanda, beziler Rossiyege
zimin dawasi qilishi mümkin. |
|
