Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Amerika Eyiplesh Qararnamisini Sunmaqchi, Beijing Afriqidin Yardem Izdimekte

ETIC, Alimjan universal xewiri.

3-ayning 22-küni, Amerika bu nöwetlik BDT insan heqliri yighinida Zhongguodiki insan heqliri ehwallirini eyipleydighan qarar lahiyesi sunidighanlighini resmi elan qilip, Zhongguoning qattiq etirazini qozghidi. Zhongguo tashqi ishlar ministirligi 23-küni Amerika bilen ötkiziwatqan insan heqliri toghruluq sözlishishlirini toxtitidighanlighini elan qildi. nöwette ikki terep jenwede qollighuchilarni izdimekte.
Amerika hökümiti bayanatchisi Boris 22-küni resmi bayanat elan qilip, Amerikining bu nöwetlik BDT insan heqliri yighinida qarar lahiyisi sunup, Zhongguodiki insan heqliri ehwallirini ashkara eyipleydighanlighini, bu arqiliq Beijingning aktip we konkiritni tedbir qollinip Zhongguo xelqining insan heqlirini we eqelli erkinligini qoghdashtek xelqaraliq mejburyitini ötishige righbetlendüridighanlighini bildürdi. Boris mundaq didi: Amerika Zhongguoning insan heqliri mesilside passip ehwallarning körülgenligige köngül bölidu, hem herqaysi döletlerni Amerika otturgha qoyghan qarar lahiyisini qollashqa chaqiridu. Beijingning Amerika bilen ötkiziwatqan insan heqliri toghruluq sözlishishlirini toxtitidighanlighini elan qilghanlighigha qarita, „ ular yene dawamliq sözlishishni xalimidi bu biz üchün béribir, chünki aldinqi 3,4 qetimliq sözlishishlerdinmu héchqandaq netije chiqmighan idi.“ u yene mundaq didi: Amerika Zhongguo bilen insan heqliri mesillirini muzakire qilishni xalaydu, lékin muzakire qilish üchünla emes, belki bu arqiliq bir metod tepip chiqip Zhongguoning özi wede bergen, insan heqlirige kapaletlik qilishini teximu yaxshilash üchün.
Bash ishtawi New York tiki Zhongguo insan heqlirining reisi Liuqing bularni körsetti: ötken bir yilda, puxralar hoqoqigha we siyasi hoqoqlargha tutishidighan mesillerde, Zhongguo hökümiti ilgirlesh uyaqta tursun, eksiche nacharlidi we arqigha chékindi. Internettiki munazire axbarat erkinligi jehetlerdiki basturush we ziyankeshlik qilishlar, oxshashmighan köz qarashtikilerni qolgha elish, jazagha tartishlar, dairisi we derijisi jehettin aldinqi yillardikidin kengeydi we eghirlidi.
Xelqara jamaetning Zhongguodiki insan heqliri ehwallirini tenqitlishige qarita, Beijing bularni bildürdi: „Zhongguogha qarshi küchlerning mexsetlik kötirip chiqqan qarshiliqliri“. Zhongguo tashqi ishlar ministirligining yardemchi ministiri Shenguofang 23-chesla Amerikining Zhongguodiki bash elchisini chaqirip köriship, Amerika bilen ötkiziwatqan insan heqliri sözlishishlerni toxtatqanlighini elan qildi. shu küni tashqi ishlar bayanatchisi Kong axbarat elan qilish yighinida Amerikini Zhongguoning ichki ishlirigha qopalliq bilen arlashti dep eyiplep, insan heqliri mesilside Zhongguo qarshilishishtin qorqmaydu, axirghéche küresh qilidu didi. Lékin shuning bilen bir waqitta u bu tartishishlar ikki döletning soda ishlirigha tesir qilmaydu, didi. Aldinqi yillardikige oxshash, her qetimqi BDT yighinida Amerika Zhongguoni eyipleydighan qarar lahiyisini otturgha qoyghanda, Zhongguomu uninggha qarshi halda lahiyeni emeldin qalduridighan lahiyeni otturgha chiqiratti. Lahiyeni emeldin qaldurush üchün, BDT insan heqliri kommutitidiki 53 eza döletning yerimidin köpining qollishigha erishish kérek. Hazir ikkila terep qollighuchilarni izdimekte, Amerika demokiratik döletlerni, Zhongguo bolsa Afriqidiki(ixtisadi para bérip setiwalghan) döletlerni.
 

©UÇQUN-KIVILCIM - 22/04/2004 13:10  Hazirliğuçi: A. Qaraqaş