Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Taiwan Amerikidin Qoral Sétiwalmaqchi

Reuters agentlighining xewirige qarighanda, Taiwan hökümiti, Xitayning Taiwange qaritilghan yüzlerche raketa bombilirigha taqabil turalaydighan eng ilghar texnikiliq qorallarni AQSH din sétip élish üchün meblegh büdjetini testiqlap boldi. Bügünki künlükte Taiwan hökümiti düshmenning raketa bombilirigha taqabil turalaydighan 3 milliard dollarliq qoral sétiwalmaqchi we u qorallarning ichide 6 dane „Patriot PAC-3“ namliq qoralmu bar.

Taiwan Amerikidin qoral sétiwélish üchün salghan mebleghning ichidin 15 milliard dollargha déngiz asti paraxotlar, herbiy déngiz kémiliri we düshmenning kémilirige taqabil turalaydighan ayroplanlarnimu sétiwalmaqchi bolghan qorallarning pilanigha kirgüzüp boldi.

Amerikining Pentagon (mudapie ministirligi) teripidin testiqlengen pilan boyiche, Taiwan 1,8 milliard dollarliq alahide yuquri derijilik eng ilghar tüptiki radarnimu sétiwalmaqchi. Taiwan nime üchün bu qorallarni setiwalidu- Taiwan hökümitining bayan qilishiche, Xitay hökümiti 500 dane raketa bombilirini Taiwan ariligha qaratqan bolup, ularning sani her 6 künde birdin qoshulup köpiyiwatmaqta.

George Bushning 3 yil burun Taiwange bergen vedisi boyiche, budaqi qétim Taiwan bilen boluvatqan qoral sétish sodisi axirqi 10 yil ichide eng chong qoral sétish sodisi hesaplinidu. Bu xewerler Xitay hökümitini qattiq alaq-zade qiliwetti. Xitay hökümiti Tashqi Ishlar Ministirligining xadimi Kong Quan,“ Amérika hökümiti Taiwange qoral sétish sodisini toxtatsa bolatti, chünki Taiwanning bügünki künlükte bunciwala ilghar texnikiliq qorallarni sétiwélishi, özining musteqillighini élan qilishq pilanini yene bir qedem ilgiri sürmekte“, dep bayan ochuqlidi.

Bu xewerni FIDA hazirlidi
 

©UÇQUN-KIVILCIM - 22/04/2004 13:10  Hazirliğuçi: A. Qaraqaş