|
Bügün 21-Aprél küni „Nézavisimaya“
geziti mundaq dep xewer qilidu „Shimaliy Koréyening
dölet reisi Kim Chen Ir, Xitaygha qilghan 3 künlük
naresmiy ziyaritini axirlashturup öz dölitige qaytip
ketti“.
Kim Chen Ir ning bu qétimqi Xitaygha bolghan mehpiy
ziyaritide Xitay dölitining dölet reisi Hu Jingtav,
Meslihet Kengishining reisi Wang Jibav ve bashqa hökümet
ezaliri bilen körüshüp, söhbetlerni ötkezdi. Bu
söhbetlerning ichide Shimaliy Koréyening Yadro qoral
ishlep chiqirish programmisi asasiy tema bolup
hesaplinidu. Bu mesile üstide bundin burun 6 dölet (Shimaliy
Koréye, Rusiye, Xitay, Jenubiy Koréye ve Yaponiye
qatarliq) döletler öz-ara ötkezgen ikki qétimliq
söhbetliride, Shimaliy Koréyede yadroluq qorallarning
mevjut bolushigha Shimaliy Koreyedin bashqa 5 dölet
özlirining narazilighini bildürgen bolsimu, amma bu
naraziliq maqullunup qarardin ötmigen.
Yuqarqi mesile üstide Amerika ve Shimaliy Koréyedin
ibaret ikki dölet hem söhbetliship, Shimaliy Koréyening
Amerikigha qoyghan shertliri, Shimaliy Koreye yadro
qorallarni ishlep chiqirishni shu chaghda toxtitiduki, „eger
Amerika Shimaliy Koreyege köp qisimliq yardem qilishi
bilen birge Shimaliy Koréyege tinichliqni garanti qilip
berse“. Amerika bolsa Shimaliy Koreyege her qandaq
derijide yardem qilishining amali peqetla Shimaliy
Koréye özining yadroluq qoral ishlep chiqirish
programmisini emeldin qaldurushini shert qildi.
Kim Chen Irning bu qétimqi Beyjing ziyaritide qilghan
bayanatida, eger Amerika Shimaliy Koréyege qaratqan
herbiy tehditlirini toxtatsa, shu chaghdila yadro
qorallarni ishlep chiqirish programmisini emeldin
qalduridighanlighini ilgiri sürdi. Beyjinning bayanatida,
Kim Chen Ir budaqi ziyaritide Xitay hökümitidin hich
bolmighanda iqtisadiy ve énérgiye jehettin bolsimu
yardem sorighanlighini bayan qildi.
Öz muxbirimiz FIDA hazirlidi |
