Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Xitaydin Sayahetke Yaponiyige Barğan Xitaylarning Yoqap Kétişining Aldini Éliş Üçün, Yaponiye Hökümiti Kollektip Viziğa Bolğan Tekşürüşni Küçeytti

      Yaponiyining Yomiuri gézitining Beijingda turuşluq muhbiri Saeki Satoşi ependining 16-dekabirdiki hewirige qariğanda,Beijingdiki Yaponiye elçixanisi 16-dékabir Xitay girajdanlirining kollektip sayahet vizisiğa bolğan tekşürüşni küçeytidiğanliqini jakarliğan. 18-dékabir Beijing şehri içidiki çong sayahet jem'iyetliridin neççe on sayahet jem'iyitini yiğip, bu belgulimini uqturup, başquruşni küçeytiş toğrisida yolyoruq béeridiken.
2000-yili 9-ayda seyli-sayahetni rawajlanduruş üçün, Yaponiye-Xitay hökümetlirining belgulimisi boyiçe <Xitay girajdanlirining kollektip sayahet tuzumi>başlan'ğandin étibaren, Yaponiyige sayahetke barğan Xitaylar ömektin ayrilip medikar işleş meqsidi bilen qeçip ketip, buxil sayahet tüzümidin yaman niyette paydilinidiğanlar köpiyip ketken. Mana bu sewebtin Yaponiye hökümiti tunji qétim Xitayning sayahet jem'iyetlirige biwaste yolyoruq bergen.
Konkirit qilip éytqanda viza iltimas qilğuçilarni tekşürüş waqti adette bir hepte bolup, bundin kéyin tekşürüş waqtini ikki heptige uzartqandin sirt, sayahet ömikige qatnaşquçilarning her birining nopusi, salahiyiti qatarliqlarni ehtiyatçanliq bilen tekşüridiken. Hazirğiçe sayahetçining salahiyitini Xitay terep sayahet idariliri tekşürüp kelgen bolup, körülgen mesililerge qariğanda Xitay sayahet jem'iyetliri tepsili tekşürüş élip barmiğanliqtin bundaq aqiwetni keltürüp çiqarğan dep qariğan.
Bundin kéyin Yaponiye elçixanisi mesile sadir qilğan sayahet jem'iyetlirige qarita viza iltimas qiliş salahiyitini bir neççe ay tohttitiwétiş qatarliq tedbirlerni qollinidiken.
Xitaylarning çet'elge çiqiş istekliri bek küçlük bolup, sayahetke çiqsila qéçip kétiş, dölitige qaytmasliq qatarliq ehwallar dahim digüdek sadir bolup turmaqta. Çet'elde qepqalğan Xitaylarning xéli köp qismi, şu döletlerning qanuniğa xilap halda bulangçiliq, oğurluq, ippet-nomusini erzan setiş, yuqumluq kesellerni tarqitiş qatarliq jinayi işlarni sadir qilip medeniyetlik insanlarning öçmenlikini qözğimaqta.

Şerqiy Turkistan Informatsion Merkizi
2002-yili 12-ayning17-küni

©UÇQUN-KIVILCIM - 21/12/2002 11:35  Hazirliğuçi: A. Qaraqaş