Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Xitay Köchmenliri Taptin Chiqishqa Bashlidi

Uyghurlar, tarixtin buyan ijtimayi exlaqqa alahide ehmiyet bérip kelgen ippetlik, nomuschan bir millet, emma Sherqiy Türkistanda Xitay köchmenlirining sanining köpüyishige egiship, Uyghurlarning tarixtin buyan dawam qilip kelgen esil en – eniliri we güzel exlaq qarashliri peydin – pey dexil – terüzge uchrimaqta.

Hitay hakimiyiti we Xitay köchmenliri hech bir zaman yerlik Xelqning örp – adet we exlaq ölchemlirige hörmet qilghan emes, ular özlirining ichki ölkilerdiki yashash usollirini we Xitaylargha xas bolghan ghelite adetlirini Sherqiy Türkistangha eynen köchürüp kélip omomlashturushqa tiriship kelmekte.

Mesilen, Uyghurlarning örp – adetliride, hamildar yaki yengi tughutluq ayallar jamaet teripidin intayin ulughlinidu, ular nahayiti ippetlik dep qaralghini üchün, hamildarliq mezgilide tala – tüzge anche chiqip ketmeydu, mumkin bar özining hamildarliq halitini ( tompuyup chiqqan qosughini ) natunush kishilerge körsütüp yürüshtin özini qachuridu. tuqqandin keyinmu, 40 künge qeder natunush insanlarning ularning öyige kirish edepsizlik dep qarilidu. Gerche Xitay hökümiti Uyghurlarning bu jehettiki nazuk tuyghulirini bilip tursimu, emma ununggha pütünley zit kélidighan bezi tétiqsiz we exlaqsiz paaliyetlerni uyushturushni dawamlashturup kelmekte.
Mesilen, < Tian Shan tori > ning xewer qilishiche, 8 – ayning 29 – küni Ürümchi sheherlik ayallar doxturxanisida, < Hamildar ayallarning 3 – nöwetlik maharet körsütüsh musabiqisi > ötküzülgen bolup, musabiqe jeryanida hamildar Xitay ayalliri tompuyup chiqqan qosaqlirigha resim sizish, qursighini echip usul oynash we hamildarliq jehettiki güzellik qatarliq türler boyiche bir – biri bilen besleshken web u qétimqi musabiqe téléviziye we gézit – jornallarda xewer qilinghan, ularning buxil edepsizliki we chakiniliqi yerlik xelq ichide küchlük naraziliq peyda qilghan.

©UÇQUN-KIVILCIM - 31.08.2006 18:33  Hazirliğuçi: A. Qaraqaş