Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

3 ) Xitay Hökümiti Kelgüsi 3 Yil Ichide Sherqiy Türkistandiki Pütün Kentlerde Partiye Yachikisi Ishxaniliri Tesis Qilishni Emelge Ashurmaqchi

Kommunist Xitay hakimiyiti uzun yillardin Sherqiy Türkistanning yéza asasi qatlamliridiki partiye – hökümet binalirini tesis qilishta, asasi jehettin shu jaylardiki dehqanlarni hashagha sélish usoligha tayinip kelmekte, mesilen, dehqanlargha mejburi emgek küni bekitip, ularni bu qurulushlarda heqsiz ishlitidu, qurulushqa ketidighan Xish – kesek, yaghach – tashning hemmisini digüdek dehqanlargha séliq sélish yoli bilen hel qilidu, unung üstige herqaysi yéziliq hökümetler heshemetchilikte bir – biri bilen beslishidighan adetni chiqiriwalghachqa, xéli köpligen yézilardiki hökümet binaliri nahayiti yuquri meblegh bilen huddi Sheherlik hökümetlerning binasidek heywetlik we heshemetlik qilip sélinghan, hökümetning bu qilmishi, yerlik dehqanlarning iqtisadi yüküni ashurup kéliwatqan asasliq mesililerning biri bolghini üchün, ularning izchil naraziliqini qozghap kelgen idi.
< Ölmekning üstige tepmek > digendek, emdilikte Xitay hökümiti herqaysi kenitlerdimu Partiye yachikisi we Kentlik komutét ishxanilirini qurup chiqishni qarar qilghan.

< Tian Shan tori > da 8 – ayning 31 – küni elan qilinghan bir xewerde körsütülishiche, < Aptonom Rayonluq Partikom >, kelgüsi 3 yil ichide Sherqiy Türkistandiki 3025 kenitte partiye yachikisi we Kenit komutéti ishxanisi qurup chiqishni we bu arqiliq yéza asasi qatlamlardiki hakimiyitini yenimu kücheytishni pilan qilghan.
Pilan boyiche, 2006 – yili 2217 kenitte yachika we kenit komutéti ishxanisi qurup bolushni pilanlighan bolup, bu, 3 yilda emelge ashuridighan yuqarqi pilanning 73 pirsentini teshkil qilidiken.
Mezkur xewerde körsütülishiche, Partiye yachikisi we kentlik komutét ishxanilirini tesis qilish pilanigha jem’i 358 milyon 260 yuan meblegh ketidiken, emma < Aptonom rayon > din yézilargha ajritilidighan pul 10 milyon 831 ming yuan iken, yeni, omomiy mebleghning asasen 3 ten 2 qismini yéza – kentler özi hel qilidiken.
Külkilik yéri shuki, Xitay hökümiti yuqarqi qurulushqa ketidighan mebleghning aran 3 ten 1 qismini ajritip qoyup yene yéziliq partikom we hökümetlerge, qurulush jeryanida dehqanlarning séliqini ashuruwetmeslik, yéza – kenitlerning qerzini ashuruwetmeslik heqqide mexsus uxturush tarqatqan.

©UÇQUN-KIVILCIM - 31.08.2006 17:40  Hazirliğuçi: A. Qaraqaş