|
Baş şitabi Londondiki
Xeliqara Keçurum Teşkilatining 2004-yili 1-ayning
28-künidiki axbaratida munular körsitilgen:
internette oxşimiğan köz qaraşlirini izhar qilğanlar
we uçur almaşturğanlarning qolğa éliniş we nezerbent
qiliniş nisbiti xitayda jiddi örlep ketken.
Peqet 2003-yili bir yil içide qolğa élinğanlarning sani
aldinqi yildikisidin 60% éşip ketken. Nowette xitayda
az digende 54 kişi internette e-mail yolliğanliqi,
tor beti açqanliqi we hökümetke paydisiz uçurlarni almaşturğanliqi
üçün türmige solanğan. Undin başqa , internette Sarsninğeqiqi
yuqumliniş ehwalini bayan qilip qolğa élinğanlarning
sanini istatistika qiliş mumkin bolmiğan. Keçurum
teşkilati Engiliye şobisining mesuli Keit. Ailun
mundaq didi:Internette téniçliq yoli bilen özining
pikrini bayan qilip qolğa élinğanlarnin hemmisi
wijdan jinayetçiliri, eslide ular derhal şertsiz qoyup
beriliş kerek idi. Şuning bilen bir waqitta biz
xitayni kuzutuş, nazaret qiliş texnikisi bilen
teminligen şirketlerge heydekçilik qilip ularning öz
tesir küçidin paydilinip xitay hökümitidin internette
kişilerning pikir bayan qiliş erkinligini boğmasliğini
we qolğa élinğanlarni qoyup bérişini qolğa kelturuşke
tirişimiz. Xitayda qolğa élinip türmige solanğan
kişilerning eng eqelli kişilik hoquqlirimu depsende
qilinğan. Axbaratta yene munular bayan qilinğan:
Yeqinda belgilengen bir qanunda, 110000
internetxanining bir alahide yumşaq detal ornitişi
belgilengen bölüp, bu arqiliq hökümetni ağduruşni
meqset qilğan mezmunlar bar dep qaralğan tor betliri
tosulidiken. Buningdin sirt xitay hökümiti yene nurğun
internet saqçilirini işletken bölüp, ular
internetxanilarni, internet munazirexanilarni we
e-mail sestimisini nazaret qilidu.
(The Epoç Times din Alimjan terjime qilğan)
2004-yili, 13-febral. Germaniye
|
|
