Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

Xitay Faşistik Hökümiti Şerqi Türkistanda Heyt-bayram we Jüme Künlirini Yaş-ösmürlirimizni “Imansizlaşturuş Küni” Qilip Békitti

Öz xewirimiz. Şerqiy Türkistandiki Uygurlar 10-esirning başliridin étibaren Islam medeniyitini qobul qilip, Islam diniğa itiqad qilip kelgen. Islam dini ‎Uygur xelqining kündilik türmuşi, toy-tokün, nezir-çiraq, salam-sa’et, murasimlar, at qoyuş, sünnet qiliş, nikah işliri, köngül eçiş, dawaliniş, yimek-içmek we dunya qaraşliriğiçe çongqur yiltiz tartqan bolup, Uygur xelqining meniwi hayatida kem bolsa bolmaydiğan tüwrük, xelqimizni ittipaqlaşturidiğan, toğra, adil, durus kişilerdin qilip terbiyileydiğan muqeddes rohi ozuq we destur.
Tajawuzçi xitaylar 1950-yilliri wetinimizge hiligerlik bilen tajawuz qilip kelgen künlerde, ”Biz kona xitaylarğa oxşimaymiz, kona xitaylar silerge köp zulum qildi, ularni tazilişinglarğa yardem bérip, tazilap bolğandin keyin derhal yurtimizğa ketimiz”-dep qattiq wedilerni bérip, aq köngül xelqimizning hoyla-aramlirini süpürüp, lata xeylirini kiyip sewetliride tezek terip, biçare tilemçilerdek qiyapette xelqimiz iç ağritip bergen nanni yep, hoylisida yetip jenini baqqan bolsa, bügünki künlükte u wedilirini tamamen untup, qolliriğa qoral elip, özlirige eyni çağda nan bergen, yetişqa yer bergen aşu aq köngül Uygurlarğa deşnam bérip, öy-makanlirini, mal-mülkini tartiwelip, medeniyitigimu omumiyüzlük tajawuz qilip, ularning tajawuzçiliq, bulangçiliq epti-beşirisini aşkarilaydiğan herqandaq pikir, heriketlerni qarilap, qanliq basturup, Uygur millitini ittipaqlaşturidiğan, herqandaq tajawuzçining bir ğeriç Uygur ziminige tajawuz qilişiğa qet’I yol qoymaydiğan adaletlik Islam diniğa haqaret qilip, xelqimizni, yaş-ösmürlirimizni bu adaletni dawa qilmasliqqa mejburlimaqta.
Xitay hökümiti uzun yillardin béri herxil yengi-yengi hile-mikirlerni oydurup çiqirip xelqimizning, yaş-ösmürlirimizning diniy erkinligini çeklep keldi, 18 yaşqa toşmiğan yaş-ösmürlerning diniy bilimlerni ögünüşini, namaz oquşini çeklidi, mesçitlerning derwaziliriğa qan purap turidiğan qizil renglik men’I qiliş taxtilirini mixlidi, 18 yaşqa kirgen bir Uygur yaş, aliy mektep yaki texnikomğa baridu yaki bir yerde işleydu, aliy mektep, texnikom, hökümet organliri, doxturxana, mektep we barliq şirketlerdiki Uygurlarning namaz oquşi çeklen’gen bolup, Uygurlarni imansizlaşturuş, diniy medeniyetni ögünüş we etiqad qiliş pursitidin menggü mehrum qiliştek medeniyet yoqutuş, ocuqini éytqanda Uyghurlarni yoqutush siyasitini barğanseri ğaljirlaştürmaqta.
Tajawuzçilar hökümiti qilçe nomus qilmastin pütün dunyada etirap qiliniwatqan mubarek Islam dinini qandaqtur Uygur yaş-ösmürlerni zeherleydiğan din dep eyiplep, , jüme we heyt-bayramdek xelqimiz toplişip namaz oquydiğan, bir-birige mehri-muhebbet bilen baqidiğan, yurtning, milletning çong işlirini muzakire qilidiğan, mesililerni hel qilidiğan, Allahqa we adaletke yéqinlişidiğan muhim künini “Yaş ösmürlerni imansizlaşturuş küni” qilip békitip, barliq Uygur oqutquçi we oquğuçilarni mektepke berişqa mejburlap kelmekte.
Yeza-qişlaqlirimizda ayrim namaz oquğan xelqimizni “wahabi” digendek bimene töhmetler bilen qolğa elip, ularning ailisidin köplep pul we mal-mülkini bulap eliwalğandin kéyin şertlik qoyup bérip, xelqimizning yürügini ezdi we barğanseri namratlaşturuwetti.
Yéqinda Qeşqer şeherlik 10-ottura mektep toluqsiz 2-yilliqning bir oquğuçisiğa ata-‎anisi qişliq tetil mezgilide qur’andin sawadini çiqiriş we Erep tili ögütüş üçün kitap élip ‎bergen. Bu okuğuçhi mektepte izçil elaçi oquwatqan bolup, herxil yéngi bilimlerge qiziqidiken. Qur’andin sawat çiqirişqa özimu nahayiti qiziqqan. Bu iş sawaqdaşlirining ağzi ‎arqiliq mektepke, kéyin şeherlik ma’arip idarisiğa yetip barğan. Netijide ma’arip idarisi bu kiçikkine işni çong bir ‎siyasi weqe süpitide jazalaş üçün, jiddiy yiğin eçip u bala oquwatqan 10-ottura mektepni jazaliğan. Sinip mudiri Zeynur xanimni “oquğuçisiğa ‎ige bolmay din bilen zeherlinişni keltürüp çiqarğan” digen qalpaq bilen 13 aylik ‎mu’aşi, mukapat pulini tutuwelip 3 yilğiçe hizmet ilğari bolup sayliniş hoquqidin mehrum ‎qilğan we bir yil sinaqta işleş jazasini bérip a’ile türmuşiğa zor qiyinçiliq élip kelgen. Mektep mudiri Muxter Obulqasimnimu “Mektepni yaxşi başqurmay okuğuçilarning diniy asaretke ‎bağlinip qalğanliqini sezmigen” digen qalpaq bilen mukapat puli tutiwélinip, ‎jérimane alğan, xizmet ilğariliq derjisini elip taşliğhan.
Qeşqer şeherlik 10-ottura mektepning ilmiy mudirliqiğa aqqun xitay Julingling digen teteyni iwertken bolup, uni “Uygur oqutquçi-oquğuçilarğa yeterlik milliy zulum qilmapsen”-dep mukapat pulini tutup qalğan we 300 yuen jerimane alğan.
Qeşqer şeherlik 7-başlan’ğuç mektepning 3 okuğuçisi dadisi bilen qurban heyt namizi oquğanliği ‎üçün 7-başlan’ğuç mektepni jazalaş we mektep mes’ulliriğa qattiq çare körüştek éğir jaza tedbirlirini yürgüzgen.

Şerqiy Türkistan Informatsion Merkizi
Ertekin
2004-Yili 2-Ayning 18-Küni

©UÇQUN-KIVILCIM - 19/02/2004 16:20 Hazirliğuçi: A. Qaraqaş