|
< Şerqiy
Türkistan informatsiyon merkizi > hewiri:
Bügün, musulmanlar üçün 12 ayning suntani hisaplanğan
mubarek ramazan éyini tamamlap, iptiharliniş we söyünüş
tuyğusi içide rozi héytni kütiwalduq, Germaniyede
yaşawatqan Uygurlarmu, huddi erkin dunya döletliride
yaşawatqan başqa musulman xelqilerge oxşaşla, uluğ
ramazan bayrimini siyasi bésim we kemsitişlerdin
mustesna halda rohiy azadiçilik içide kütiwélişti.
Ayem künu, Germaniyening pirezidenti Johannes Rau ependi
mehsus tebrikname élan qilip, Germaniyede yaşawatqan
barliq musulman xelqlerning mubarek rozi héytini
qutluqlidi we musulmanlarğa bolğan güzel isteklirini
izhar qildi.
Pirezident Johannes Rauning tebrik hetining baş qismida
mundaq diyilgen: < söyümlük musulman wetendaşlirim,
bügün rozi ramazan éyi ahirlaşti, bu munasiwet bilen
hemminglarğa heyrilik tileymen. Bu bir ay mabeynide
siler ayilengler bilen birlikte rozi tutup, dua
tilawet qildinglar we dininglarning şertlirini ada
qildinglar, bolupmu bularning içide yoqsullarning ğemini
yiyiş we ularğa heyr sahawet qiliş alahide yer alğan.
Dimek, ramazan éyi, merhemet we söygu éyidin ibaret,
bundaq ramazanlarğa meyli imanliq bolayli yaki bolmayli,
hemmimizning éhtiyaji bar >.
Johannes Rau ependi, Germaniyediki çerkawlar bilen
musulman jamaetlirining munasiwitining yenimu küçüyişige
bolğan tileklirini bildürüp, < Germaniyediki çerkawlar
bilen musulman jamaetlirining özlirining diniy
etiqatlirini yoşurmay we inkar qilmay, özara hörmat,
çüşünüş asasida bir birliri bilen téximu yéqin diyalog
quruşini ümit qilimen > dep körsetti.
Johannes Rau ependi, Germaniyediki herdérijilik
hökümetlerni xelqning diniy etiqat erkinlikige toluq
hörmet qilişqa çaqirip mundaq didi: < asasiy qanunimiz,
Germaniyede yaşawatqan barliq insanlarning diniy
étiqat erkinliklirini Hiristiyan,
musliman, yehudi, buddis dep ayrimay oxşaş halda qanuniy
kapaletke ige qilğan, héçkim diniy etiqadi sewebidin
çetke qeqişqa we heqsizlikke uçrimaydu, bu nuhtini her
zaman eniq bir şekilde tekitlep turişimiz we
dölitimizdiki barliq idariçilar muşu nuhta asasida
hériket qilişi lazim, asasi qanun bilen qurulğan erkin
dölitimiz, pütün puxralirining diniy etiqat erkinlikini,
azsanliq xelqlerning heq hoqoqlirini we ularning
teniçliq içide birlikte yaşişini kapalet astiğa alğan,
hemminglarning, ayilenglerning we jamaitinglarning
ramazan bayrimini tebrikleymen! >
Germaniye pirezidentining rozi héyt munasiwiti bilen
élan qilğan tebriknamisi, huddi Germaniyede yaşawatqan
başqa musulman milletlerge oxşaşla, bu yerdiki Uygur
jamaitinimu alahide söyündürdi. huddi pirizident
Yohannes Rau ependining bayan qilip ötkinidek,
Germaniyede yaşawatqan Uygurlar yillardin buyan héçbir
siyasi bésim yaki kemsitişke uçrimay, özlirining diniy
paaliyetlirini normal halda dawamlaşturup kelmekte, ular,
Xitayningmu xuddi Germaniyeni ülge qilip, özlirining
nizamnamisida körsütülgen puxralarning diniy etiqat
erkinliki heqqidiki pirinsiplarğa emel qilişini we Uygur
xelqining diniy etiqatini yoqutuş hérikitini derhal
tohtutuşini ümit qilip kelgen idi, emma, Xitay
hökümitining nöwette Şerqiy Türkistandiki diniy sahege
qaratqan basturuş we çekleş hérikitini téximu
küçéytiwatqanliqi, ularning Xitay hakimiyitige bolğan
yuqarqi ümidini hem işençisini yoqutuşiğa sewepçi
bolmaqta.
Köpçilikke melum bolğinidek, nöwette Germaniyede
yaşawatqan Uygurlarning sani 500 din köpirek bolup,
ularning mutleq köp qismi Xitayning türlük zulumliri we
siyasi bésimliri tüpeylidin yurtidin ayrilişqa mejbur
bolup, siyasi panahliq tilep turiwatqan Uygurlardin
ibaret. Uygurlarning Germaniyege resmi siyasi panahliq
tilep kélişi 86 yili başlanğan bolup, ularning 90
pirsentige yéqinraqi Şerqiy Türkistanda Xitay
hakimiyitining siyasi bésimi we türlük sahelerge
qaratqan zulmi pewquladde küçeygen 96 yilidin kéyin
kélip yerleşken, bolupmu < 5 fewral > ğulja weqesidin
kéyin siyasi panahliq tilep gelgüçi Uygurlarning sanida
alahide eşiş bolğan. buyerdiki Uygurlarning otturiçe
yéşi 35 40 yaşlar etirapida bolup, hemmisining digüdek
ata aniliri weten içide yaşimaqta. Bu seweptin gerçe
ular hör, erkin dunyada yaşawatqan bolsimu, emma her
yilqi héyt künlirini ata anisini, qedirdan uruq
tuqqanlirini we söyümlük wetinini çeksiz séğiniş içide
hesret bilen yad étip ötküzmekte.
Bolupmu mubarek
héyt'ta ata anisi, uruq tuqqan, dost yarenliri
bilen didar körüşelmigenliki, ejdatlirining qewre béşini
ziyaret qilalmiğanliqi, ularning yürek parini lehte
lehte qilmaqta we özlirini bu sergerdanliq hayatqa
muptila qilğan Xitay mustemlikiçilirige bolğan ğezep
nepriti hessilep aşmaqta. Bu künlerde ularning hemmidin
bekerek arzu qilidiğini we janabi allahtin tileydiğini
söyümlük wetinining tézraq Xitayning mustemlikisidin
qurtulup hörlük we musteqilliqqe érişişi we özliriningmu
téziraq ana wetinining muqeddes tupraqliriğa ayaq
bésişidin ibaret. |
