Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

8 ) Hotenning Kériye Nahiyesi Buyil Ichide Bashqa Yurtlargha Medikachiliqqa Baridighanlarning Sanini 42 Ming Adem Qétimgha Yetküzmekchi

Xitay hakimiyiti bir tereptin Qeshqerdin Hotenge tutishidighan tömüryol léniyési qurulushigha jiddi tutush qilsa, yene bir tereptin, < eshincha emgek küchlirini bashqa yurtlargha iwetish > digen bahane bilen Hotenlik Uyghur déhqanlirini bashqa yurtlargha sürgün qilip, Hoten wilayitining yéza – qishlaqlirini boshutushqa bashlidi.

Bezi Uyghur siyasi pa’aliyetchiler, < Xitay hakimiyitining bundaq qilishidiki tüp meqsidi, kelgüside Hotenge poyez bilen yötkep kélidighan Xitay köchemnliri üchün azade zimin hazirlashtin ibaret > dep qarashmaqta.

< Hoten hökümet tori > ning 3 – ayning 19 – künidiki xewiride körsütülishiche, Hotenning Kériye nahiyesi, < 11 – besh yilliq pilan > we < 12 – besh yilliq pilan > mezgilide Hotendin sirtqa iwetidighan < eshincha emgek küchliri > ning pilanini tüzüp chiqqan.
Bu pilangha asasen, 2007 – yili ichide bashqa yurtlargha medikachiliqqa iwetilidighanlarning sanini 42 ming adem qétimgha yetküzüsh, < 12 – besh yilliq pilan > mezgilide bu sanni 52 ming adem qétimgha yetküzüsh nishan qilinghan bolup, belgilime boyiche, her bir yézidiki her ayilidin bir kishi sirtqa iwetilidiken.

Wetendin kelgen inkaslarda körsütülishiche, bashqa yurtlargha musapir bolup chiqip ketkenlerning köpünchisi yurtigha qaytalmay, shu jaylarda turup qélishqa mejbur boludiken.

©UÇQUN-KIVILCIM - 19.03.2007 19:37  Hazirliğuçi: A. Qaraqaş