Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

7 ) < Germaniye Dolqunliri > Radiosi:
< Xitay Puxralirining Tibet we Sherqiy Türkistandiki Basturush Heriketliridin Xewiri Yoq >

< Germaniye dolqunliri > radiosining 3 – ayning 17 – künidiki xewiride, Xitay hakimiyitining yillardin buyan herqaysi ölkilerde yüz bériwatqan ammiwiy qarshiliq körsütüsh heriketliri we xelq isyanlirini öz puxraliridin yoshurup kelgini üchün, Xitay puxralirining bu hadisilerning köpünchisidin bixewer ikenliki, yene shundaqla ularning Xitay hakimiyitining Tibet we Sherqiy Türkistan xelqlirige qaritip kéliwatqan basturush siyasitidinmu xewiri yoqluqi bayan qilindi.

Mezkur xewerde körsütülishiche, Xitayning özining statiskilirida, 1993 – yili Xitay boyiche 8700 qétim ammiwiy xarektirlik naraziliq herikiti yüz bergen bolsa, 2005 – yiligha kelgende buxil heriketlerning sani 87 ming qétimgha chiqqan, 1993 – yili bu heriketlerge qatnashqanlarning sani 700 ming kishi bolghan bolsa, 2004 – yiligha kelgende hökümetke qarshi naraziliq heriketlirige qatnashqanlarning sani 3 milyon 700 ming kishige yétip barghan.

Xitay hakimiyiti, özining ichki ölkiliridiki naraziliq heriketlirini, < topilang >, Sherqiy Türkistandiki yerliklerning naraziliq heriketlirini bolsa < téroristik heriket > dep atap kelmekte.

Chet’ellerdiki demokratik Xitay metbu’atliridimu Xitay hakimiyitining Sherqiy Türkistan xelqighe séliwatqan zulumliri heqqidiki xewer – uchurlar yoq diyerlik bolup, demokratik Xitay teshkilatlirinimu bu heqte körmeske we anglimasqa séliwélish taktikisini qollunup kelmekte.       

©UÇQUN-KIVILCIM - 19.03.2007 17:36  Hazirliğuçi: A. Qaraqaş