Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Xitay Hakimiyiti, Sherqiy Türkistan Heqqide Sirtqa Qaratqan Teshwiqat Iqtidarini Ashurmaqchi

< Xinjiang géziti > ning xewer qilishiche, < aptonom rayonluq partikom > ning mu’awin sekritari Nur Bekri, 3 – ayning 16 – küni Ürümqide chaqirilghan < aptonom rayonluq tashqi teshwiqat xizmiti yighini > da qilghan sözide, < her derijilik partikomlar, herqaysi tarmaqlar, herqaysi wilayetler idiyeni birlikke keltürüp, tonushni östürüp, sirtqa qarita Xinjiangni teshwiq qilish iqtidarini aktipliq we teshebbuskarliq bilen östürüp, Xinjiangning muqimliqi we tereqqiyati üchün yax’shi jama’et pikri mohiti yaritishi lazim > dep körsetken.

Yighinda yene, Bei Jingda 2008 – yili ötküzülidighan Olimpik tenherket yighini pursitidin paydilinip, sirtqa qarita Sherqiy türkistan heqqidiki teshwiqatni alahide kücheytish lazimliqi otturigha qoyulghan.

Xitay hakimiyiti, Amerikida yüz bergen < 11 – sintebir weqesi > din kéyin, chet’ellerde bir tereptin Uyghurlarning milliy heriketlirini < téroristik heriket > dep qarilashqa tirishsa, yene bir tereptin, < Xnjiangning wéziyiti muqim, her millet xelqi inaq, ittipaq we bexitlik > digen sepsetini teshwiq qilip kelmekte.

Xitay hakimiyiti, Sherqiy türkistanliq qorchaq emeldarlardin teshkillengen wekiller omigini milliy sen’et ömeklirini chet’ellerge iwetish, chet’ellerdiki elchixaniliri arqiliq Sherqiy Türkistanning emiliy wéziyiti burmilanghan kitap – jornallarni neshir qilip tarqitish … qatarliq köpxil wastilarni qollunup, dunya jama’etchilikining közini buyashqa tiriship kelmekte.

©UÇQUN-KIVILCIM - 19.03.2007 17:35  Hazirliğuçi: A. Qaraqaş