Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

2 ) Qazaqistan Bash Ministiri Mashimof, Sherqiy Türkistan Chegrisida Tekshürüsh Élip Bardi

< Xinjiang géziti > ning xewer qilishiche, 3 – ayning 17 – we 18 – künliri Qazaqistanning bash ministiri Qasimi Mashimof bashchiliqidiki bir ömek Sherqiy Türkistanning Alatagh we Qorghas chégra éghizlirida tekshürüsh élip barghan.

< Aptonom rayonluq siyasi kéngesh > ning reyisi Esqet Kérimbeg we < aptonom rayon > ning mu’awin reyisi Chen Lei qatarliqlar Ürümqidin alahide chégra éghizigha bérip Qazaqistan wekiller ömigini kütiwalghan we ulargha hemra bolghan.

Bu qétim Qazaqistanning bash ministirige hemra bolup kelgenler ichide Almata oblastining bashliqi, Qazaqistan maliye ministiri, sana’et we soda ministiri, qatnash ministiri, enirgiye we kanchiliq ministiri bolup 10 din artuq yuquri derijilik emeldar birge kelgen.
Yuqarqi xewerde körsütülishiche, Qazaqistan nöwette Sherqiy Türkistanning eng chong soda shirkiti iken.

Qazaqistan wekilliri bu qétimqi ziyaret jeryanida, Qorghas chégra éghizida qurulushi dawam qiliwatqan < Xitay – Qazaqistan Qorghas chégra hemkarliq merkizi > ni közdin kechürgen.
Xitay hökümiti birqanche yil burun Qorghas chégra éghizidiki biterep orunda chégra soda baziri qurghan bolup, bu soda baziridin pütünley Xitay köchemnliri paydilinip kelmekte.

©UÇQUN-KIVILCIM - 19.03.2007 19:02  Hazirliğuçi: A. Qaraqaş