Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

5 ) Qirghizistan Xitayning Arqa Baghchisigha Aylinip Qaldi

Qirghizistanning musteqil bolghinigha 15 yildin ashqan bolsimu, emma bu ajiz döwlet peydin – pey Xitayning béqindisigha aylinishqa bashlidi.

< Tianshan tori > ning 3 – ayning 17 – küni xewer qilishiche, nöwette Qirghizistan iqtisadi jehettin pütünley Xitaygha béqinipla qalmastin, hetta Qirghizistanning ma’aripimu Xitay ma’aripining tesirige uchrashqa bashlighan.

mesilen, 2006 – yili Xitay bilen Qirghizistan otturisidiki soda miqdari 2 milyart 220 milyon dollargha yétip, Qirghizistanning Rosiye bilen bolghan soda miqdaridin nechche hesse eship ketken.

2006 – yili Xitayning Qirghizistangha qilghan ekisport miqdari 2 milyon 110 milyon dollar bolghan bolsa, Qirghizistanning Xitaygha qilghan ekisportining miqdari aranla 110 milyon dollar bolghan.

Hazir peqetla Bishkek shehridila Xitayning 100 shirkiti bar bolup, Xitay hökümiti Qirghizistanni baza qilip turup, özining ötmes mallirini gheripke toshushqa bashlighan.
Téximu qorqunuchluq yéri, Qirghizistan ma’aripi nöwette peydin – pey Xitay ma’aripining biwaste tesirige uchrashqa bashlighan. hazir Qirghizistanda mexsusla Xitayche ötidighan ikki mektep bar bolup, buyildin étibaren Qirghizistandiki mektepler 5 – siniptin étibaren Xitayche ögünüshke bashlaydiken.     

©UÇQUN-KIVILCIM - 19.03.2007 19:30  Hazirliğuçi: A. Qaraqaş