|
 BBC ning xewer qilishiche, Xitay hökümiti Birleshken
Döwletler teshkilatigha töleydighan bedel pülini
ashurushqa qoshulghan. Xitayning bu qarari, Xitay tashqi
ishlar ministiri teripidin 9 – ayning 22 – küni elan
qilinghan.
Xewerde körsütülishiche, Xitayning BDT gha töleydighan
bedel pülining miqdarini ashurushi kerekligi heqqidiki
teklip Yaponiyedin kelgen bolup, Gerche Xitay BDT
bixeterlik kéngishining ezasi bolsimu, emma BDT gha
tölep kéliwatqan bedel püli bixeterlik kengishige eza
emes xéli köp döwletlerningkidinmu töwen iken. Yaponiye,
BDT bixeterlik kengishige eza döwletlerning öteydighan
bedel pulining, BDT ning omomiy kirimining 5 pirsentidin
töwen bolmasliqi heqqide teklip bergen.
BDT gha eng köp bedel puli tölewatqan döwlet Amerika
bolup, 417 milyon dollargha yetip baridiken we BDT ning
yilliq omomiy kirimining 22 pirsentini teshkil qilidiken,
Yaponiyéning bolsa 370 milyon dollar bolup, 19.47
pirsentini teshkil qilidiken.
Engiliye we Firansiyening béridighan bedel pulimu BDT
kirimining 5 pirsentidin ashidiken, bixeterlik
kengishide Xitayning BTD gha öteydighan bedili 39 milyon
dollar bolup, BDT ning omomiy kirimining aran 2
pirsentini teshkil qilidiken.
|
|
