|
<
Xinhua axbarat tori > ning xewer qilishiche, 9 ayning
22 küni Xitay bilen Tajikistan < terorizim > gha
qarshi birleshme herbiy manewir ötküzgen. Bu, < Shanghai
hemkarliq teshkilati > qurulghan 1996 yilidin buyan,
Xitay bilen Tajikistan otturisida ötküzülgen tunji
qetimliq birleshme manewir hisaplinidu.
Bu qetimqi maniwer, 9 ayning 22 küni etigen saet
9.30 da Tajikistanning Kuriyab shehride bashlanghan
bolup, Xitayning alahide herbiy qisimliri chegradin
halqip tajikistangha kirip birleshme maniwergha
qatnashqan, Xitay qisimlirining tajikistangha ötüshi,
Xitay armiyesining tarixta tunji qetim bashqa Döwletning
tupriqida manewirgha qatnishishi bolghini üchün, chetel
metbuatlirining alahide diqqitini qozghighan.
Bu qetimqi maniwergha < hemkarliq 2006 > dep nam
bérilgen bolup, birleshme menewerning asasliq meqsidi,
ikki döwlet qisimlirining < terorizim > gha qarshi
herbiy iqtidarini ashurush iken.
Chetellik siyasi küzetküchiler, < Shanghai hemkarliq
teshkilati > qurulghandin buyan Xitay teripidin telepbuz
qilinip kéliniwatqan < terorizim > digen uqumning
peqetla Uyghurlarning milliy herikitige qaritilghan xas
uqum ikenlikini, Xitayning xoshna döwletler bilen
yuqarqidek birleshme herbiy manewerlarni ötküzüshtiki
asasliq meqsidiningmu yenila Uyghurlarning milliy
heriketlirini basturush iqtidarini ashurushtin ibaret
ikenlikini bayan qilishmaqta.
Amerikida yüz bergen < 11 sintebir > teror weqesidin
kéyin, Xitayning Xelqara terorizimgha qarshi heriketke
hecqandaq bir emiliy töhpisining bolmighanliqi,
Xitayning pütün derdining, xelqara terorizimgha qarshi
herikettin paydilinip Uyghurlargha qaratqan bashturush
heriketlirini üzlüksiz kücheytkenliki Xelqaraliq
kishilik hoqoq teshkilatliri teripidin izchil türde
tekitlinip kélinmekte..
|
|
