Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

2 ) Amerikiliq Mutexesisler Sherqiy Türkistanda Uyghur Ayallirining Salametliki Heqqide Tekshürüsh Élip Bardi

Kommunist Xitay hakimiyitining Uyghurlargha qarita mejburi < pilanliq tughut > ni yolgha qoyush jeryanida qollanghan gheyri insani qilmishliri netijiside köpligen Uyghur ayallirining echinishliq halda ölüp ketkenliki, yene köpligen anilarning türlük saqaymas keselliklerge giripdar bolghanliqi Dunya jama’etchiliki teripidin bilinip kélinmekte, shunung üchünmu Xelqaraliq kishilik hoqoq teshkilatlirining doklatlirida, Xitay hakimiyitining Uyghurlargha qaratqan < pilanliq tughut > siyasiti izchil türde éyiplinip kélinmekte.

Bundin birqanche kün burunla < Sherqiy Türkistan Informatsiyon Merkizi >, Xitay hakimiyitining Uyghurlargha qaratqan atalmish < pilanliq tughut siyasiti > heqqide chomg hejimlik bir doklat elan qilip, Xitay hakimiyitining Uyghur ayallirigha qaratqan yawuz qilmishlirini pash qilghan idi.

Xitayning hakimiyitining yuqarqidek qilmishliridin waz kechmey kéliwatqanliqi, Kéyinki yillardin buyan kishilik hoqoq teshkilatliriningla emes, Xelqaradiki bezi tibbi mutexesislerningmu Sherqiy Türkistan rayonigha bolghan diqqet – etibarini qozghap kelmekte.

Mesilen, < hoten hökümet tori > ning xewer qilishiche, Amerikiliq tibbi mutexesisler Xitay mutexesislirining hemraliqida 9 – ayning 18 – küni Hoten rayonigha kélip, Hotenning herqaysi jaylirida Uyghur ayallirining salametlik ehwali heqqide tepsili tekshürüsh élip barghan.

Xewerde körsütülishiche, Hoten wilayitining muawin walisi Yalqun Qadir Amerikiliq mutexesislerge, < wilayitimizning jughrapiyélik ehwali, iqtisadi tereqqiyati, dehqanlarning kirimi we yeza ayallirining salametlik ehwali > digen temida mexsus doklat bérip ötken.

Amerikiliq mutexesisler biwaste halda Hotenning yezilirigha bérip, Uyghur ayililirini ziyaret qilip, Uyghur ayallirining salametlik ehwali heqqide ehwal igelligen, yene shundaqla yeza – bazarliq doxturxanilarda tekshürüsh élip barghan.
Köpchilikke melum bolghinidek, Hoten rayoni, Xitay teripidin yolgha qoyulup kéliniwatqan < Pilanliq tughut > siyasiti jeryanida echinishliq tiradigiyeler eng köp yüz bériwatqan rayonlarning biri.

©UÇQUN-KIVILCIM - 23.09.2006 23:01  Hazirliğuçi: A. Qaraqaş