Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

5 ) Kelpinliklerning Küni Tes

Aqsuning kelpin nahiyesi, sherqiy Türkistan boyiche eng namrat nahiyelerning biri bolup, her yili nahiyediki Uyghur dehqanlirining yérimidin köpireki bashqa yurtlargha bérip medikarchiliq qilishqa mejbur bolidu. Sewebi shuki, kelpin nahiyesining térilghu yéri az,. Su menbesi intayin qis bolup, yillardin buyan xitay hökümiti bu nahiyening yeza igilik qurulushini tereqqi qildurush üchün hechqandaq emiliy qedem basmighan, dehqanlarni öz haligha tashliwetken.

< Aqsu hökümet tori > da 9 – ayning 22 – küni elan qilinghan bir xewerde körsütülishiche, nöwette Kelpin nahiyesining térilghu yer kölümi 100 ming moghimu barmaydiken, emma yezilardiki emgek küchining sani 23 mingdin köpirek bolup, nahiyediki mewjut térilghu yer kölümi peqetla 12 ming 500 emgek küchige yetidiken, nahiye boyiche térishqa yéri yoq dehqanlarning sani 10 mingdin ashidiken.

Yéqinda nahiyélik partikom, tériydighan yéri yoq ach – yalingach olturghan dehqanlarni bashqa yurtlargha bérip medikarliq qilishqa seperwer qilish üchün, mexsus < emgek küchlirini yotkep ishlitishke rehberlik qilish guruppisi > qurup chiqip, bichare dehqanlarni bashqa yurtlargha heydeshke bashlighan.

Bügünki künde atalmish < ishlepchiqirish qurulush bingtuani >, tériydighan yerlirining köplikidin emgek küchi yetishtürelmey xitaydin 100 minglap köchmen yötkep kélip ishlitiwatidu, kelpinlik dehqanlarning beshigha kelgen yuqarqi külpetler, Uyghur dehqanlirining nöwettiki echinishliq halitini ochuqche körsütüp turmaqta. .    

©UÇQUN-KIVILCIM - 23.09.2006 23:02  Hazirliğuçi: A. Qaraqaş