Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Xitay Hökümiti, Sherqiy Türkistandiki < Azsanliq Millet Kadirliri > ning Sanini Elan Qildi

Hökümet qarmighidiki < Xinjiang iqtisat geziti > ning 9 – ayning 23 – künidiki sanida, Sherqiy Türkistanda mewjut bolup turiwatqan atalmish < azsanliq millet kadirliri > ning omomiy sani elan qilindi.

Nöwette Sherqiy Türkistandiki < azsanliq millet kadirliri > ning sani 338 ming neper bolup, pütün hökümet kadirlirining omomiy sanining 52 pirsentini teshkil qilidiken, < azsanliq millet > tin bolghan kespiy texnik xadimlarning sani 256 ming bolup, omomiy kespiy xadimning 56 pirsentini teshkil qilidiken.

1950 – yili Sherqiy Türkistandiki < azsanliq millet > tin bolghan hökümet kadirlirining sani 3000 neper bolup, 55 – yili < aptonom rayon > qurulghanda bu san 47 minggha köpeytilgen.

Mao Ze Dung teripidin otturigha qoyulghan, < Xinjiangda Milliy eksil inqilapchilarni tel töküs yetim qaldurush üchün, zor bir türküm azsanliq millet kadirlirigha ehtiyajimiz bar > digen chaqiriqigha asasen, Xitay hökümiti 50 nechche yildin buyan < azsanliq millet kadirliri > ning sanini köpeytishke alahide ehmiyet bergen.

Yuqarqi xewerde, < azsanliq millet kadirliri > dep atalghanlarning ichide Uyghurlarning qanchilik nisbetni igelleydighanliqi heqqide izahat bérilmigen.
Sherqiy Türkistandiki yerlik hökümet kadirlirining mutleq köp qismi peqetla hayat kechürüsh üchün hökümet organlirida ishleshke mejbur bolghan. .  

©UÇQUN-KIVILCIM - 23.09.2006 23:03  Hazirliğuçi: A. Qaraqaş