Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

9 ) Xitay Hökümiti Chet'el Axbarat Agentliqlirigha Cheklime Qoyushqa Bashlidi

< Amerika awazi > radiosining xewer qilishiche, Xitay hökümiti yengi belgilime chiqirip, chetel axbarat agentliqliridin, Xitay ichige xewer tarqatqanda jezmen hökümetning kaniyi hisaplanghan < Xin Hua axbarat agentliqi > ning testiqini élishni telep qilghan.

Xitay hökümet terepning bildürishiche, Xitayning birlikige, igilik hoqoqigha we zimin pütünlikige xilap kélidighan herqandaq mezmondiki xewer – uchurlarning tarqilishini chekleydiken.

Chetel agentliqlirining Xitaygha tarqatmaqchi bolghan xewer – uchurlirini awal < Xin Hua axbarat agentliqi > körüp chiqidiken, muwapiq körgenlirige testiq salidiken, özlirige yarimighanlirini chiqirip tashlaydiken.
Undin bashqa yene Xitayda turup xewer – uchur tarqitiwatqan Shang Gang, Aou Min we Tey Wen axbarat organlirining xewerlirimu tekshürüshtin ötküzülidiken.

Bezi siyasi küzetküchiler, Xitayning bu yengi belgilimisining, mexsusla xitaygha qarita xewer – uchur tarqitiwatqan chetel axbarat organlirigha intayin zor qiyinchiliq élip kélidighanliqini, Xitayning bu qilmishining, axbarat – uchur erkinlikini boghush üchün qollanghan yene bir wastisi ikenlikini bayan qilishmaqta.     

©UÇQUN-KIVILCIM - 11.09.2006 21:18  Hazirliğuçi: A. Qaraqaş