|
Öz xewirimiz: bügün ( 9
ayning 11 küni ), Amerikining Germaniyening Müncheh
shehridiki bash konsulxanisida, Amerikida yüz bergen <
11 sintebir > téror weqesining 5 yilliqi munasiwiti
bilen mexsus bir söhbet yighini uyushturuldi.
Germaniye bayan ölkilik hökümet we München sheherlik
hökümetning asasliq rehberliri, shundaqla her sahediki
uqumushluq zatlarning qatnishishida ötküzülgen bu
qetimqi söhbet yighinigha, München sheherliq
chetelliklet mejlisining Muawin reyisi we < Yawropa
Sherqiy Türkistan Birliki > teshkilatining sabiq reyisi
Esqerjanmu Amerikining Münchendiki bash konsuli Erik
Nelson ependining tekliwige asasen qatnashti.
Yighin jeryanida, Germaniye bayan ölkilik hökümetning
ichki ishlar ministiri Beck Stein ependi bilen Esqerjan
alahide sözge teklip qilindi.
Esqerjan Amerika konsulxanisida qilghan sözide,
Amerikida yüz bergen < 11 sintebir > téror weqesidin
keyin, gerche Xitay hakimiyiti xelqara siyasi sehnilerde
Uyghurlarning milliy herikitini xelqara térorizim bilen
birleshtürüsh üchün qarilash herikiti élip barghan
bolsimu, emma Amerika bashchiliqidiki gherip ellirining
hech bir waqit Uyghurlarning Milliy heriketlirini
xelqara térorizimning bir parchisi dep qarimighanliqini
we burunqidekla Uyghurlargha hesdashliq qilishni
dawamlashturup kelgenlikini, Xitayning shunche bésimigha
qarimay Amerika hökümitining Guantamonuda tutup
turulghan Uyghurlarning birinimu Xitaygha tapshurup
bermigenlikini, eksinche ularning bezilirini bixeter
yawropa ellirige élip kélip qoyup bergenlikini bayan
qildi we bu munasiwet bilen Uyghur xelqi namidin Amerika
hökümitige we xelqighe rehmet eytidighanliqini bildürdi.
Erqerjan yene, < 11 sintebir > din keyin, Uyghur
xelqining bu téror weqesini keltürüp chiqarghuchilarni
éniq bir meydanda turup qattiq eyipligenlikini we bu
weqede hayatidin ayrilghanlar üchün cheksiz qayghurush
hes qilghanliqini tekitlep ötti.
Esqerjan German tilida hazirlighan yazma nutqida yene
Uyghurlarning nöwettiki weziyiti heqqidimu qisqiche
melumat bérip ötti.
Nöwette Esqerjan muawin reyis bolup turiwatqan München
chetellikler Mejlisi, bu sheherde yashawatqan 300
minggha yeqin chetellikke wekillik qilidighan we
demokratik usolda saylap chiqilghan nopozluq bir organ.
Köpchilikke melum bolghinidek Esqerjan milliy küresh
sepimizdiki munewwer yashlirimizning biri bolup, ilgiri
u < Yawropa Sherqiy Türkistan Birliki > ning reyisi,
sabiq < Sherqiy Türkistan Milliy Merkizi > ning muawin
reyisi, sabiq < Sherqiy Türkistan ( Uyghuristan ) Milliy
Qurultiyi > ning bash katibi, < Dunya Uyghur Qurultiyi >
ijrahiye komutétining muawin reyisi
qatarliq
wezipilerni ötigen. |
|
