|
< Hoten geziti > ning xewer qilishiche, 9 – ayning 7 –
küni < hoten wilayetlik ittipaq komutéti > daghdughuluq
murasim ötküzüp, 800 neper uyghur déhqanni Bingtuanning
1 – dewiziyesige medikarliqqa uzutup qoyghan.
8 – ay kirgendin buyan, < Aptonom rayonluq ittipaq
komutéti > ning buyruqigha asasen, herqaysi wilayetlik
ittipaq komutétliri zor bir türküm yash déhqanlarni
seperwerlikke keltürüp, ularni Bingtuanning paxta térish
ishlirigha yardem bérishke yollap bermekte.
Hoten wilayitidin yeze igilik 1 – dewiziywsige yollap
bérilgen yuqarqi 800 neper Uyghur déhqan, 9 – aydin 11 –
ayghiche Bingtuanning tuan – meydanlirida yétip – qopup
ishleydiken we bu jeryanda ularning 3 ayda érishidighan
otturiche kirimi 100 yuandin töwen bolmaydiken.
Bu 800 neper déhqanni uzutush murasimini öz közi bilen
körgüchilerning bildürishiche, ularning köpünchisining
üsti – beshi jul – jul bolup, küde – körpilirini
öshnisige artiwalghan iken, sirtqi körünishidin ular
xuddi jazalash lagirlirigha élip kétiliwatqan
mehbuslargha oxshap qalghan.
Bundin burun < Tian Shan Tori > da elan qilinghan bashqa
bir xewerde, Xitayning Cheng Du rayonidin Bingtuanning
paxta térish ishigha sélish üchün yötkep kéliniwatqan
xitaylarning her ayliq ish heqqi üchün 1000 yuan
bérilidighanliqi bayan qilinghan idi, emma, paxta
térishqa alahide mahir bolghan Hotenlik uyghur
déhqanlarning 3 ayliq kirimini texminen 1000 yuan qilip
bekitken.
Yene yuqarqi xewerde körsütülishiche, Xoten wilayitidiki
her derijilik ittipaq komutétliri hazirgha qeder 15 ming
déhqanni bashqa yurtlargha medikarchiliqqa yollighan.
|
|
