Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

5 )  Sherqiy Türkistanda Döwlet Igilikidiki 22 Chong Karhana Xitay Mohit Asrash Idarisining Qara Tizimlikige Kirgüzüldi

< Xinjiang geziti > ning 9 – ayning 11 – küni xewer qilishiche, Xitay mohit asrash idarisi 2006 – yili omomiy yüzlük tekshürüsh élip bérish arqiliq, Sherqiy Türkistanda Döwlet igilikidiki 22 karxanini, Mohitni éghir derijide bughap qanungha xilapliq qilghini üchün Döwlet derijilik qara tizimlikke kirgüzgen.

Qara tizimlikke kirgüzülgen bu 22 karxana ichidiki 15 karxana Ili rayonida bolup, mesilen, Shorbulaq Haraq zawuti … qatarliq 8 zawut – karxanining bulghunushnung aldini élish esliheliri yoq bolup, ular Künes deryasining süyini éghir derijide bulghaydiken. Gerche bu zawut – karxanilar uzundin buyan qanunsiz halda ishlepchiqirish élip bériwatqan bolsimu, emma hökümet tarmaqliri bularning mohit qoghdash esliheliri heqqide hechqandaq tekshürüsh élip barmayla ularning ishlepchiqirish bilen shughullunushini testiqlighan, bu karxanilarning ichide Bingtuan shirketlirimu bariken.

Wetendin biwaste kelgen xewerlerdimu, Ili deryasi boylirigha jaylashqan zawut – karxanilarning hemmisining digüdek paskina su we kereksiz hemiyewi qalduqlarni Ili deryasigha töküshni adetke aylanduruwalghanliqi, bolupmu keyinki yillarda Ili deryasining süyining bulghunush ehwalining tolimu éghir ikenliki qeyt qilinmaqta.

©UÇQUN-KIVILCIM - 11.09.2006 21:13  Hazirliğuçi: A. Qaraqaş