|
9 – ayning 7 – küni
Yawropa parlamenti, Xitaygha qaritip kéliwatqan qoral
– yaraq embagosini yene dawamlashturush heqqide qarar
aldi. Bu qararning élinishida, Xitayning Kishilik
hoqoq weziyitining hazirmu hem intayin nachar
weziyette turiwatqanliqi sewep körsütüldi.
< Germaniye Dolqunliri > radiosining xewiride
körsütülishiche, Yawropa parlamentida ötküzülgen bu
qétimqi awaz bérish yighinida, 351 kishi Xitaygha
qaratqan embargoni dawamlashturush heqqide awaz
bergen, 48 kishi qarshi awaz bergen, 160 kishi
hoqoqidin waz kechken, yeni bu qétimqi qarar köp
sanliq awaz bilen élinghan.
Yawropa parlamenti ezaliri, nöwette Xitayda insanlarni
türmide Qiynash ehwalining omomiy yüzlük mewjut
ikenlikini, bundin bashqa yene gerche Xitayning asasi
qanunida diniy étiqad erkinlikige kapaletlik qilish
tekitlengen bolsimu, emma emma dingha étiqad
qilidighan kishilerge qaritilghan ziyankeshliklerning
yenila dawam qiliwatqanliqini bayan qilishqan.
Undin bashqa yene Yawropa parlamenti, Xitayning <
Pilanliq tughut siyasiti > din intayin endishe
tuyuwatqanliqini, mejburi tughmasliq opiratsiyesi
qildurush we mejburi bala éliwetish qilmishliri
arqiliq, ayallarning heq – hoqoqlirining éghir
derijide tajawuzgha uchrawatqanliqini ochuq ipade
qilghan.
Yawropa parlamentining shu küni alghan qararida, Bey
Jingdin, Kishilik hoqoq we puxralarning heq – hoqoq
mesilisini estayidil oylushush telep qilinghan.
Yighinda yene, Yawropa birliki bilen Xitay
otturisidiki soda munasiwetlirining jiddi tereqqi
qilishi, Xitayning Kishilik hoqoq islahatini ilgiri
süridu, mushu heptining axiri Helsinkide
ötküzülidighan Yawropa birliki bilen Xitay
otturisidiki yuquri derijilikler yighinida Kishilik
hoqoq mesilisi nuxtuluq muzakire qilinidu, dep
körsütülgen.
Xitayning bash ministiri Wen Jia Bao bu qetimqi
Helsinki yighinigha qatnashmaqchi, u yene Germaniyeni
ziyaret qilidu.
Köpchilikke melum bolghinidek, 1989 – yili yüz bergen
Bey Jing qirghinchiliqidin buyan, Yawropa Birliki
Xitaygha qarita qoral – Yaraq embargosi yürgüzüp
kelmekte. Xitay bilen Yawropa Birlikining
munasiwetlirining yaxshilinishigha egiship, Yawropa
birlikige eza bezi döwletler Xitaygha qaratqan qoral –
yaraq embargosini emeldin qaldurush kerekligini ipade
qilishqa bashlighan, bolupmu Germaniyening sabiq bash
ministiri Shröder bilen Firansiye Pirezidenti Shraklar
buxil qarashtikilerning bashlamchiliri idi, emma
Yawropa Birlikige eze köp sandiki döwletler Xitaygha
qaratqan embagorning emeldin qaldurulishigha izchil
türde qarshi turup kelmekte. |
