Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

4 ) Ürümchi Saqchi Dayirliri, < Paxta Térish > Digen Namda Kelgen Xitay Aqqunlirini Qoghdashni Kücheytti

< Ürümchi kechlik geziti > torining xewer qilishiche, 8 – ay kirgendin buyan Ürümchi poyez istansisi, < paxta térish > digen namda ichkiri ölkilerdin kelgen Xitay aqqunliri bilen tolup – tashqan.

Ürümchi shehri Saybagh rayonluq Saqchi idarisi poyez istansisigha toplanghan Xitay aqqunlirining amanliqigha kapaletlik qilish üchün, poyez istansisi we unung etrapidiki amanliq tedbirlirini alahide kücheytken.
Ürümchi poyez istansisi saqchixanisining muawin bashliqi Perhat, < Ürümchi kechlik geziti > ning muxpirigha, < yeqinqi mezgillerdin buyan paxta térish üchün Xinjianggha kélidighanlar birqeder köp boluwatidu, ularning bixeterlikige kapaletlik qilish üchün biz üzlüksiz halda poyez istansisining etrapidiki mehmanxana, internet chayxanisi … qatarliq jaylarda tekshürüsh élip bériwatimiz > dep bayan qilghan.

Xitay metbuatlirida elan qilinghan sanliq melutlardin qarighandimu, 8 – ay kirgendin buyan < paxta térish > bahanisi bilen Sherqiy Türkistangha eqip kirgen Xitay aqqunlirining sani 500 minggha yétip baridu, Xitay hakimiyitining pilanliq halda élip bériwatqan bu keng kölemlik köchmen yötkesh herikiti weten ichi we sirtidiki Uyghurlarning küchlük naraziliqini qozghap kelmekte.

©UÇQUN-KIVILCIM - 11.09.2006 21:20  Hazirliğuçi: A. Qaraqaş