|
Nöwette Amerikida
turiwatqan mexshur demokratik zat Wu Hongda ependi
Uyghur xelqining semimiy dostlirining biri.
Wu Hongda ependi uzun yillardin buyan Sherqiy Türkistan
mesilisige yeqindin köngül bölüp kelmekte we dunya
siyasi sehniliride Kommunist Xitay hakimiyitining
uyghurlargha seliwatqan türlük zulumlirini emiliy
pakitlar bilen pash qilip kelmekte.
1996 yili Wu Hongda ependining teshebbusi bilen,
sherqiy türkistandiki jallat qoshun < Bingtüen > ning
Uyghur xelqighe seliwatqan zulumliri heqqide America
parlamentida mexsus guwaliq righini ötküzülgen we unung
bu xildiki hésdashliq paaliyetliri hazirghiche izchil
dawamliship kelmekte.
Wu ependi wetendiki cheghida 19 yil emgek bilen
özgertish meydanida turghan, keyin amerikigha chiqip
olturaqlashqan, 1995 yili u Sherqiy Türkistangha
ziyaretke barghanda, Xitay bixeterlik tarmaqliri uni <
Amerikining rasosi > dep tutiwelip, 15 yilliq qamaq
jazasigha höküm qilghan, kéyin Xitay hökümiti
Amerikining besimi bilen Wu ependini qoyup berishke
mejbur bolghan idi.
< Germaniye dolqunliri > radiosining 8 ayning 10
küni bergen xewirige asaslanghanda, yéqinda < Falungong
> teshkilatliri teripidin elan qilinghan bir xewer
yüzisidin, Wu Hongda ependi bilen < Falungong >
chilarning arisi échilghan.
Esli ehwal mundaq:
buyil 3 ayda, chetellerdiki < Falungong >
teshkilatliri bayanat élan qilip, Xitay hakimiyitining
Shenyang shehrining Su jiatun kentide Falungong
muritlirini jazalaydighan mexsus bir lagir qurghanliqini
web u lagirda Xitay dayirlirining Falungong
muritlirining ezalirini tirik turghuzup elipwelip, bu
ezalarni bashqilargha setiwatqanliqini bayan qilghan web
u xewer eyni chaghda Xelqara sehnilerde küchlük
ghulghula qozghighan.
Bu xewerdin keyin, Wu Hongda ependi bu heqte tepsili
tekshürüsh elip barghan we yeqinda tekshürüsh netijisini
elan qilip, bu weqening rastliq derijisige bolghan
gumani qarashlirini otturigha qoyghan.
Wu Honhda ependi bu doklatni élan qilghandin kéyin,
chetellerdiki < Falungong > teripidin bashquriliwatqan
metbuatlarning qattiq hujumigha uchrighan we
Falungongchilar uni < Kommunistlarning gumashtisi > dep
haqaretleshke bashlighan.
Wu Hongda ependi Amerikidiki < Lao Gai Fonda Jemiyiti >
ning qurghuchisi bolup, delil ispatqa alahide ehmiyet
berip kelgenliki tüpeylidin, unung élan qilghan
doklatlirining xelqarada alahide étibari bar.
|
