Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

6 ) Buyil Bingtuan Xitayning Ichkiri Ölkiliridin 267 Ming Neper Paxta Yighiwélish Ishchisi Kirgüzmekchi

Sherqiy Türkistanning yerlik xelqi ichide ishsizliq kündin – künge eship bériwatqan, emgek küching köp, terilghu yerning az bolushi tüpeylidin Uyghur dehqanlirining chapini tizidin ashmaywatqan bügünki künde, 54 – yilidin buyan yerliklerning eng munbet terilghu yerlirini we asasliq su menbelirini zorluq bilen ishghal qilip yatqan atalmish < Ishlepchiqirish Qurulush Bingtuani >, bipayan terilghu yerlirige Xitayning ichki ölkiliridin Xitay köchmenlirini yötkep kélip ishlitip kelmekte.

Mesilen, < Bingtuan geziti > de élan qilinghan bir xewerde körsütülishiche, buyil Bingtuan dayirliri paxta yighiwélish ishigha sélish üchün, Bingtuan sirtidin 467 ming neper ishchi yallashni pilanlighan bolup, bularning 200 ming nepiri Sherqiy Türkistanning ichidin, qalghan 267 ming nepiri Xitayning ichki ölkiliridin yötkep kélinidiken.
Bingtuan rehberliri bu heqte Xitay we Sherqiy Türkistandiki metbuatlargha mexsus élan bergen bolup, bu ishchilarning terip bergen herbir kilo paxtisi üchün 052 – 0.68 yuan öteydiken.

Hökümetning resmiy statiskilirida Bingtuanning hazirqi noposi 3 milyon etrapida bolup, Bingtuan, Xitay hakimiyitining Sherqiy Türkistangha köchmen yötkeydighan eng asasliq wastisi we léniyési, Bingtuan memuri jehette Xitay merkizi hökümitige biwaste qirighini üchün, ular teripidin yötkep kélip yerleshtürülgen Xitay köchmenlirining ehwalidin yerlik qorchaq hökümetlerning xewiri yoq, yillardin buyan Bingtuan teripidin Xitayning ichki ölkiliridin yötkep kélingen yallanma ishchilarning mutleq köp qismi yurtlirigha qaytmay Sherqiy Türkistanda yerliship qalidu we hökümet ular üchün köpligen étibar bérish siyasetlirini tüzüp chiqqan.

©UÇQUN-KIVILCIM - 15.08.2006 18:48  Hazirliğuçi: A. Qaraqaş