|
 Köpchilikke melum
bolghinidek, Amerikida yüz bergen < 11 sintebir teror
weqesi > din kéyin, Kommunist Xitay hakimiyiti
chetellerde turushluq herqaysi elchixanilirining wastisi
bilen, xelqara siyasi sehnilerde Uyghurlarning milliy
heriketlirini qarilash, Sherqiy Türkistanning heqiyqi
tarixini burmilash chetellerde yashawatqan Uyghurlargha
ziyankeshlik qilishtek qilmishlirini üzlüksiz kücheytip
kelmekte. Bu heqte Türkiyede, Ottura Asiya Türk
jumhuriyetliride we Germaniyelerde yüz bergen mushu
xildiki köpligen hadisilerni misal qilip körsütüsh
mumkin.
Yéqinqi yillardin buyan Xitayning chetellerde turushluq
herqaysi elchixanilirining melumat toplash meqsidide
Sherqiy Türkistangha qilghan biwaste ziyaretlirimu
peydin pey köpeymekte.
Mesilen, < Xinjiang xewer tori > ning 8 ayning 10
küni bergen bir xewiride körsütülishiche, 8 ayning 8
küni, Xitayning chetellerde turushluq 30 elchixanisining
53 neper wekilliridin terkip tapqan bir ekiskurusiye
ömigi, Xitayning Firansiyede turushluq bash elchisining
yetekchilikide Sherqiy Türkistangha ziyaretke kelgen.
Xitay kommunistik partiyesi merkizi komuteti siyasi
bürosining ezasi we < Aptonom rayonluq partikom > ning
bash sekritari Wang Lequan bu ömekni qobul qilip
ötküzgen söhbitide ulardin, < Xinjiangning nöwettiki
heqiyqi ehwali > din chetelliklerni xewerdar qilishni we
Xinjing heqqide chetelliklerge qaratqan teshwiqatni zor
küch bilen kücheytishni telep qilghan.
Birqanche yildin buyan bezi gherip elliri we Xelqaraliq
kishilik hoqoq teshkilatliri, Xitayning chetellerdiki
Uyghurlargha qaratqan besim we ziyankeshliklirini, <
deplomatiye jehettiki exlaqsizliq > dep eyiplep kelmekte. |
