Heptilik Siyasiy Ilmiy Gezit - Sherqiy Türkistan Informasyon Merkizi Nesir Qildi

4 ) Xitay Hökümiti Keyinki 30 yil Ichide Bingtuanning Omomiy Noposini 7 Milyongha Chiqirishni Pilanlimaqtaa

Qurulghan 1954 – yilidin buyan Sherqiy Türkistan teritoriyesi ichide öz aldigha musteqil bir xandanliq quriwalghan atalmish < ishlepchiqirish qurulush Bingtuani > ning bügünki omomiy noposi hükümet statiskilirida körsütülishiche 2 milyon 540 ming, ular 14 diwiziye we 185 polikqa bölüngen.

Bingtuan, melum menidin élip éytqanda Kommunist Xitay hakimiyitining Sherqiy Türkistandiki eng asasliq we eng ishenchilik mustemlikichi qoshuni. Hette chetellerdiki bezi meshhur Xitay demokratik zatlirimu elan qilghan maqalilirida, Bingtuanning, Sherqiy Türkistanda mewjut bolup turiwatqan milliy ziddiyet we toqunushlarning asasliq menbiyi we sewepchisi ikenliki, kelgüsidimu Sherqiy Türkistanda Kosowadikidek keng kölemlik bir milliy toqunush yüz bergende, bu toqunushning asasen yerlikler bilen Bingtuanlikler otturisida yüz béridighanliqini ochuqche bayan qiliship kelmekte. Shunung üchünmu Xitay hakimiyiti yerlik xelqning < jallat qoshun > dep atalghan Bingtuanni tarqitiwetish heqqidiki teleplirini ret qilip, Bingtuanni üzlüksiz kücheytip we zoraytip kelmekte.

< Bingtuan geziti > ning xewer qilishiche, yéqinda Bingtuanlik 50 nechche mutexesisning qatnishishida chaqirilghan < Bingtuan nopos neziriyesi tetqiqat yighini > da, Bingtuande yashanghanlarning sanining köpüyishi netijiside otturigha chiqqan emgek küchi yetishmeslik mesilisini hel qilish üchün, bundin kéyinki 30 yil ichide Bingtuanning noposini 7 milyongha chiqirish pilanlanghan. .

©UÇQUN-KIVILCIM - 15.08.2006 18:48  Hazirliğuçi: A. Qaraqaş